بوتاگوز بايانوۆانىڭ ايتۋىنشا، 20 قاراشادا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ابىلاي دونبايدى ەكى اي مەرزىمگە قاماۋ تۋرالى قاۋلى شىعارعان. قاۋلى ازىرگە زاڭدى كۇشىنە ەنبەگەن.

19 قاراشادا ىشكى ىستەر مينيسترلىگى ابىلاي دونبايدىڭ ۇستىنەن قىلمىستىق كودەكستىڭ "ترانسۇلتتىق قىلمىستىق توپ جۇمىسىنا ارالاسۋ" جانە "ادام مۇشەلەرىن زاڭسىز ساۋدالاۋ" بابى بويىنشا قىلمىستىق ءىس قوزعالعانىن حابارلاعان. ۆەدومستۆو ابىلاي دونبايدىڭ بۇيرەك الماستىرۋ وپەراتسيالارىن قوماقتى قارجىعا زاڭسىز جاساعانىن مالىمدەگەن.

شىمكەنت قالالىق دەنساۋلىق ساقتاۋ باسقارماسى ءباسپاسوز قىزمەتىنىڭ دەرەگىنشە، ابىلاي دونباي 2019 جىلدىڭ ناۋرىز ايىندا شىمكەنتتەگى №1 قالالىق كلينيكالىق اۋرۋحاناسىنىڭ باس دارىگەرى قىزمەتىنە تاعايىندالعان.

باسقارما دەرەگىنشە، شىمكەنتتە 2013 جىلدان بەرى دارىگەرلەر بۇيرەك الماستىرۋ وپەراتسياسىن جاساي باستالعان. 2014 جىلدان باستاپ قازىرگە دەيىن 106 بۇيرەك الماستىرىلعان. قازىرگى ۋاقىتتا ءتورت ناۋقاس تۋىستارىنىڭ بۇيرەگىن ترانسپلانتاتسيالاۋعا دايىندالىپ جاتىر. بىراق شىمكەنت قالالىق قوعامدىق دەنساۋلىق ساقتاۋ دەپارتامەنتى ورگاندار مەن تىندەردى ترانسپلانتاتسيالاۋعا ساناۋلى دارىگەرگە عانا رۇقسات بەرگەن.

قازاقستان زاڭىنا ساي، قازاقستاندىقتاردىڭ شەتەلدىكتەرگە ورگان بەرۋىنە تىيىم سالىنعان. قازاقستان ازاماتى تەك قازاقستاندىقتارعا ورگان بەرە الادى.

Abai.kz