مينيسترلىكتىڭ دەرەگىنشە، "گونكونگتەگى قازاقستان كونسۋلى ستۋدەنتكە بارىپ قايتقان، جاعدايى جاقسى. پوليتسيا ۇستاعان كەزدە وڭ قولىنىڭ ساۋساقتارىن ازداپ جارالاپ العان. ەشقانداي شاعىمى جوق".

ءسىم 20 قاراشادا ستۋدەنتتىڭ ءىسى بويىنشا العاشقى تىڭداۋ وتكەنىن، گونكونگتەگى قازاقستان ەلشىلىگى ستۋدەنتكە ادۆوكات ىزدەپ جاتقانىن حابارلادى.

سارسەنبى كۇنى Oyan, Qazaqstan بەلسەندىسى اسەم جاپىشەۆا الەۋمەتتىك جەلىدەگى پاراقشالارىندا گونكونگتە ابىلقايىر نۇقپيەۆ ەسىمدى ء(سىم مالىمدەمەىندە - ابيلكاير نۋكپي) 19 جاستاعى قازاق ستۋدەنتىنىڭ ۇستالعانىن جازعان. Bloomberg ءتىلشىسى اارون ماك نيكولاس Twitter جەلىسىندەگى پوستىنا سۇيەنگەن جاپىشەۆانىڭ جازۋىنشا، ستۋدەنتتىڭ قولىندا جانعىش زات بار بوتەلكە بولعان. 16 قاراشادا گونكونگتەگى باپتيستەر ۋنيۆەرسيتەتىنە بەكىنگەن نارازىلاردى ۇستاۋ ءۇشىن پوليتسيا كامپۋسقا شابۋىل جاساعان كەزدە قازاقستاندىق ستۋدەنتتى دە ۇستاپ، ونىڭ وڭ قولى جارالانعان.

جۋرناليست اارون ماك نيكولاستىڭ جازۋىنشا، قازاقستان ەلشىلىگىنىڭ ارالاسۋىنا قاراماستان گونكونگ سوتى ستۋدەنتتى "كەپىلمەن بوساتۋدان باس تارتىپ، سوت تىڭداۋىن قاڭتار ايىنا بەلگىلەگەن".

18 قاراشادا قازاقستاننىڭ ءسىم گونكونگتەگى نارازىلىققا بايلانىستى 118 ستۋدەنتتىڭ ەلگە كەلگەنىن حابارلاعان. مينيسترلىك 48 ستۋدەنتتىڭ جاقىن كۇندەرى قازاقستانعا ورالاتىنىن ايتقان.

سوڭعى بەس ايدان بەرى جالعاسىپ جاتقان نارازىلىق شاراسىندا گونكونگ جۇرتى بيلىكتەن دەموكراتياعا باستار ناقتى قادامدار تالاپ ەتەدى. نارازىلار قىتايدىڭ گونكونگتىڭ ىشكى ىسىنە ارالاسقانىنا دا نارازى.

Abai.kz