2019 جىلعى 26 قاراشادا ساعات 17.00-دە قازاقستان رەسپۋبليكاسى ۇلتتىق مۋزەيىندە قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى جيناعىنان «ەلباسى جانە مادەنيەت» كورمەسىنىڭ اشىلۋ ءراسىمى وتەدى.

قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان كورمەنىڭ ماقساتى – ەلباسى ن. ءا. نازارباەۆتىڭ مادەنيەتتى قايتا جانداندىرۋداعى، كوپ ۇلتتى قازاقستان حالقىنىڭ نەگىزگى رۋحاني قۇندىلىقتارىن الەمدىك دەڭگەيدە ىلگەرىلەتۋدەگى ءرولىن كورسەتۋ.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن. ءا. نازارباەۆ ەلدىڭ تاريحي-مادەني مۇراسىن جاڭعىرتۋدى، ساقتاۋدى جانە ناسيحاتتاۋدى مەملەكەتتىك ساياسات دارەجەسىنە كوتەردى. قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «ەلباسى جانە مادەنيەت» كورمەسىندە ەلباسى كىتاپحاناسىنىڭ مۇراعاتتىق ماتەريالدار جيناعى، ءارتۇرلى جانرداعى 170-تەن استام قۇجاتتارى ۇسىنىلادى.

مادەنيەت سالاسىنىڭ تاريحي دامۋ كەزەڭدەرى قازاقستان رەسپۋبليكاسىنىڭ 2030 جانە 2050 جىلدارعا دەيىنگى دامۋ ستراتەگياسىندا، قازاقستان حالقىنا جىل سايىنعى جولداۋلارىندا، «مادەني مۇرا» مەملەكەتتىك باعدارلاماسىندا كورسەتىلگەن. ەلباسىنىڭ «بولاشاققا كوزقاراس: قوعامدىق سانانى جاڭعىرتۋ» باعدارلامالىق ماقالاسى الداعى ونجىلدىقتاعى كۇن ءتارتىبىن انىقتادى.

ەلباسىنىڭ مادەنيەت سالاسىنداعى مۇراسىن مىنا فورمۋلامەن كورسەتۋگە بولادى: مادەنيەتتىڭ قايتا جاندانۋى، رەنەسسانسى – ۇلتتىڭ مادەني كودىن قالىپتاستىرۋ – رۋحانيلىقتىڭ نەگىزدەرىن جاڭارتۋ.

اتاپ ايتقاندا، كورمە ماتەريالدارىندا مىناداي تاقىرىپتىق باعىتتار: تاۋەلسىزدىك جىلدارىنداعى مادەنيەت سالاسىنداعى مەملەكەتتىڭ ساياساتى تاريحي-مادەني ماڭىزى بار ەسكەرتكىشتەردى قورعاۋ، مۋزەيلەر، تەاترلار، ارحيۆتەر، كىتاپحانالار، ساۋلەت ونەرى، كينو ونەرى، ادەبيەت، قازاقستان رەسپۋبليكاسىنىڭ بەينەلەۋ جانە قولدانبالى ونەرى ۇسىنىلاتىن بولادى.

كورمەنى ۇيىمداستىرۋشىلار: قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى جانە قازاقستان رەسپۋبليكاسى ۇلتتىق مۋزەيى. قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى پرەزيدەنت ن. ءا. نازارباەۆتىڭ جارلىعىنا سايكەس 2014 جىلدىڭ 13 ناۋرىزىندا قۇرىلعان كىتاپحانا، ارحيۆ، مۋزەي، تالداۋ، مادەني-ءبىلىم بەرۋ جانە عىلىمي-زەرتتەۋ ورتالىعىنىڭ قىزمەتىن ۇيلەستىرەدى. 2017 جىلدان باستاپ قازاقستان رەسپۋبليكاسى تۇڭعىش پرەزيدەنتىنىڭ مۋزەيى ەلباسى كىتاپحاناسىنىڭ قۇرامىنا ەندى. ەلباسى كىتاپحاناسىنىڭ ماڭىزدى قىزمەتتەرىنىڭ ءبىرى ەكسپوزيتسيالىق-كورمە جۇمىسى بولىپ تابىلادى، ويتكەنى ول كەڭ كولەمدەگى قور جيناقتارىنىڭ جانە عىلىمي-زەرتتەۋ جۇمىستارىنىڭ ناتيجەلەرىن كورسەتۋگە مۇمكىندىك بەرەدى.

قازاقستان رەسپۋبليكاسى ۇلتتىق مۋزەيى قازاقستان رەسپۋبليكاسىنىڭ پرەزيدەنتى ن. ءا. نازارباەۆتىڭ تاپسىرماسى بويىنشا «مادەني مۇرا» مەملەكەتتىك باعدارلاماسىن جۇزەگە اسىرۋ اياسىندا قۇرىلدى. 2013 جىلعى 2 شىلدەدە قازاقستان رەسپۋبليكاسى مادەنيەت مينيسترلىگىنىڭ «قازاقستان رەسپۋبليكاسىنىڭ ۇلتتىق مۇراجايى» رەسپۋبليكالىق مەملەكەتتىك مەكەمەسىن قۇرۋ تۋرالى قازاقستان رەسپۋبليكاسى ۇكىمەتىنىڭ № 675 قاۋلىسى شىقتى. كەلۋشىلەر ءۇشىن 2014 جىلى مۋزەيدىڭ رەسمي اشىلۋى ءوتتى.

Abai.kz