اعىمداعى جىلى 22 قاراشادا قازاقستاننىڭ بارلىق قالالارىندا – سونىڭ ىشىندە اقتاۋدا  «حالىق زاڭگەرى» اتتى جالپى رەسپۋبليكالىق ناۋقان ءوتتى.

قازاقستاننىڭ  ەڭ ۇزدىك زاڭگەرلەرى مەن ادۆوكاتتارى حالىققا زاڭ، قۇقىق توڭىرەگىندە تۋىنداعان بارلىق سۇراقتارىنا جانە شەشىلمەگەن داۋلار بويىنشا تەگىن كەڭەس  بەرىپ، كومەك كورسەتەدى.

بىلتىرعى جىلدان ايىرماشىلىعى، بيىل ەلىمىزدىڭ ءىرى قالالارىمەن قاتار، شاعىن ەلدى مەكەندەرى دە «حالىق زاڭگەرى» ناۋقانىنا قاتىسادى، بۇل كوپتەگەن ازاماتتارعا بىلىكتى زاڭ كومەگىن الۋعا مۇمكىندىك بەرىپ وتىر.

ءبىزدىڭ ماقساتىمىز وسى شارا ارقىلى - حالىقتىڭ قۇقىقتىق ساۋاتتىلىعىن ارتتىرۋ.

ۇيىمداستىرۋشىلار ZAKON.KZ جەلىلىك باسىلىمى، قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى جانە پاراگراف اقپاراتتىق جۇيەسى.

اقتاۋ قالاسىندا ۇيىمداستىرىلعان ناۋقانعا ماڭعىستاۋ وبلىسىنىڭ ادۆوكاتتار القاسىنىڭ، «ZAN 362»، «LAW&COMP» زاڭ كومپانيالارىنىڭ،  «Qorgau» قۇقىقتىق قورعاۋ ورتالىعىنىڭ، ماڭعىستاۋ وبلىسىنىڭ نوتاريالدىق پالاتاسىنىڭ بەلگىلى زاڭگەرلەرى مەن ادۆوكاتتارى، نوتاريۋستارى جانە  پروكۋرورلار، تەرگەۋشىلەر، سوت ورىنداۋشىلارى، پوليتسيا قىزمەتكەرلەرى، ادىلەت، كوشى-قون پوليتسياسى، جىلجىمايتىن مۇلىكتى تىركەۋ بولىمدەرى، مەملەكەتتىك ورگانداردىڭ باسشىلارى، ازاماتتارعا ارنالعان ۇكىمەت قىزمەت كورسەتۋ ورتالىقتارىنىڭ ماماندارى جانە «ماڭعىستاۋ-ادالدىق الاڭى» جوبالىق كەڭسەسىنىڭ مۇشەلەرى قاتىستى.

بۇل قوعامداعى وزەكتى ماسەلەنى شەشۋ ماقساتىندا ازاماتتاردىڭ قۇقىقتىق ساۋاتتىلىعىن كوتەرۋ جانە ءبىر زاڭگەرمەن عانا ەمەس وزگە دە زاڭ وكىلدەرىنەن كەڭەس الۋعا، الىنعان جاۋاپتارىنىڭ دۇرىستىعىنا كوز جەتكىزۋگە مۇمكىندىك بەرگەن شارا بولدى.

Abai.kz