مەملەكەت باسشىسى سەرىكبەك داۋكەيدى قابىلدادى
قازاقستان پرەزيدەنتى قاسىم-جومارت توقاەۆ ۇلتتىق عىلىم اكادەمياسىنىڭ اكادەميگى سەرىكبەك داۋكەيدى قابىلدادى.
كەزدەسۋ بارىسىندا گەولوگيا سالاسىن دامىتۋدىڭ، سالالىق مينيسترلىك قۇرىلعاننان كەيىنگى قولعا الىنعان رەفورمالاردىڭ ورىندالۋ بارىسىنىڭ، سونىمەن قاتار، جەر قويناۋىن زەرتتەۋ باعىتىندا قابىلدانعان مەملەكەتتىك جانە زاڭنامالىق قولداۋ شارالارىنىڭ وزەكتى ماسەلەلەرى تالقىلاندى.
قاسىم-جومارت توقاەۆقا جەر قويناۋىن پايدالانۋ كودەكسىنە وزگەرتۋلەر ەنگىزۋ جونىندە ۇسىنىس بەرىلدى. اتالعان ۇسىنىس گەولوگيالىق زەرتتەۋ جۇرگىزۋ جانە جەر قويناۋىن ءتيىمدى پايدالانۋ ىسىندە مەملەكەتتىڭ ءرولىن كۇشەيتەدى.
پرەزيدەنت اتالعان سالانى ودان ءارى دامىتۋدىڭ، جاڭا كەن ورىندارىن اشۋ ءۇشىن زاماناۋي، عىلىمي ادىستەردى پايدالانۋدىڭ جانە مينەرالدى-شيكىزات بازاسىنىڭ قورىن ارتتىرۋدىڭ ەرەكشە ماڭىزدىلىعىن اتاپ ايتتى.
Abai.kz
