وسىدان 14-15 جىل بۇرىن مۇحتار جاكىشەۆتىڭ اقش قا بارعان ساپارى كەزىندە تۇسكەن سۋرەتى ەكەن. جاكىشەۆ اقش-تىڭ ەكس-پرەزيدەنتى بيلل كلينتونمەن كەزدەسكەن.

جاكىشەۆتىڭ مىنەزىن اناۋ ءبىر جىلمىڭداعانمەن سالىستىرا المايسىز. جۇزىنەن وزىنە سەنىمدى، ءجۇزى جارىق، قولىنان ءىس كەلەتىن، ەلىنە ەسەلەپ ۇلەس قايتاراتىن ناعىز ازاماتتىڭ بولمىسىن كورەسىز. وسىنداي پوتەنتسيالى جوعارى، قازىرگى قازاق وركەنيەتىنىڭ كوشىن باستايتىن ۇلدىڭ جاعدايى ايانىشتى كۇيدە. بۇل ازاماتتىڭ دارىنىن باتىستىڭ ەلدەرى الدەقاشان مويىنداپ قويعان.

جاكىشەۆ بولمىسىنان ليدەر ادام. باتىس ەلدەرى ءبىلىم مەن ىسكەرلىكتىڭ ادامدارىن الاقانىنا سالىپ، باسىنا كوتەرەدى. قازاقتىڭ ءبىلىمدى،تەحنوكرات، زاماناۋي ينجەنەر التىن اسىقتاي ۇلى 10 جىل بويى تۇرمەدە جاتىر. بۇلار كىمدى تۇرمەگە تىعۋدى بىلەدى.

مەنىڭ ءىشىمدى اشىتاتىن ءبىر جاي بار. ءبىز وسى الەۋمەتتىك جەلىدە "مۇحتار جاكىشەۆتى قورعاۋ كوميتەتى" دەپ ءبىر پاراقشا اشا المادىق. وعان ەل بولىپ اراشا بولىپ، شىعارا المادىق. ەگەر دە سول جاكىشەۆتىڭ شىنىمەن ۇرلاعان ميللياردتارى بولسا، ءوزىن اراشالاۋ ءۇشىن مۇلدەم باسقا جۇمىستار جاساۋى ابدەن مۇمكىن ەدى. ونىڭ ميللياردتارى بولماعان.

ار مەن نامىستى ۇستانىپ وتىرعان جاكىشەۆ ەشكىمنەن دە اراشا سۇراپ وتىرعان جوق. قاسقايىپ ءالى قارسى وتىر. ول قازاق ەلىنىڭ ارى مەن نامىسىن كۇزەتىپ وتىرعانىن ءبىز ءالى تۇسىنبەي ءجۇرمىز. التىندى راسىندا توت باسپايدى.