قازاقستان پرەزيدەنتى قاسىم-جومارت توقاەۆ مەملەكەتتىك ساپارمەن قىرعىزستانعا كەلدى. ونى بىشكەكتەگى "ماناس" حالىقارالىق اۋەجايىنان قىرعىزستان رەسپۋبليكاسىنىڭ پرەزيدەنتى سوورونباي جەەنبەكوۆ قارسى الدى. بۇل تۋرالى توقاەۆتىڭ ءباسپاسوز حاتشىسى بەرىك ءۋالي ايتتى.

ساپار اياسىندا جوعارى دەڭگەيدەگى كەلىسسوزدەر مەن بىرقاتار ەكىجاقتى قۇجاتتارعا قول قويۋ جوسپارلانعان. سونداي-اق ەكى ەلدىڭ كوشباسشىلارى ءباسپاسوز ءۇشىن بىرلەسكەن مالىمدەمە جاسايدى.

سونىمەن قاتار، مەملەكەت باسشىسى قىرعىزستان پرەزيدەنتىمەن بىرلەسىپ "اتا-بەيىت" ۇلتتىق تاريحي-مەموريالدىق كەشەنى مەن شىڭعىس ايتماتوۆتىڭ مۇراجاي-ۇيىنە بارادى.

ەرتەڭ قاسىم-جومارت توقاەۆ ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسىنىڭ سەسسياسىنا قاتىسادى.

Abai.kz