سوعان سايكەس، ادام قۇقىقتارى قىتايدا دا ءوز ءمانىن جوعالتپايدى. ەشقانداي مەملەكەت قۇقىعى ادام قۇقىعىنان ۇستەم بولماۋى كەرەك. الەمنىڭ كەز-كەلگەن  جەرىندە ادام قۇقىقتارى بۇزىلاتىن بولسا، ول زۇلىمدىقتى بۇكىل ادامزات بالاسى تالقىعا سالىپ، قايسىبىر ەلدىڭ ىشكى شارۋاسى دەمەي كۇرەسۋى كەرەك.

مەملەكەت دەگەنىڭىزدىڭ ءوزى بەلگىلى ءبىر اۋماقتا ءوز ەرەجەلەرىمەن ءومىر سۇرەتىن ادامدار توبى نەمەسە قوعامداستىق. مىنە، سوندىقتان دا، قايسىبىر توپتىڭ نەمەسە قوعامداستىقتىڭ ەرەجەلەرى ادامزاتتىڭ ەرەجەلەرىنەن بيىك بولماۋى كەرەك.

ارينە، مۇنىڭ ءبارى بولا قالادى دەگەنگە سەنۋ قيىن. دەگەنمەن، بۇۇ اياسىندا، فاشيزم مەن كوممۋنيزمگە قوسا، اۆتوريتاريزم مەن ديكتاتۋرانى دا ادامداردىڭ ەڭ نەگىزگى قۇقىقتارىن شەكتەيتىن ادامزاتقا قارسى باسقارۋ جۇيەلەرى دەپ رەسمي جاريالاۋدى ۇسىنامىن. بىراق مۇنىڭ ءبارى ارمان. وكىنىشكە قاراي، الەمدى ءالى كۇنگە دەيىن زاڭ ەمەس، كۇش بيلەپ كەلەدى.

مارعۇلان سەيسەمبايدىڭ الەۋمەتتىك جەلىدەگى پاراقشاسىنان

Abai.kz