تاڭەرتەڭ ەرتە تۇرىپ، مارعۇلان سەيسەمباەۆتىڭ ەۆگەني چەرنياكپەن Big Money-دا بولعان سۇقباتىن تاعى دا ءبىر قارادىم. كريشتيانۋ رونالدۋ 41 جاسىما دەيىن فۋتبول وينايمىن دەپتى، ءومىر بويى قالاي جاتتىعاتىنى تۋرالى Aladop.kz سايتىنداعى موتيۆاتسيالىق ماتەريالدى وقىپ، وتكەن جىلىمنىڭ قارقىندى وتكەنىنە كوڭىلىم تولدى. وسىنداي شابىتپەن قازىر جۇمىس جاقتامىن. مەن ءۇشىن دەمالىس دەگەن تۇسىنىك جوق، دەمالىسى كوپ جۇمىستاردىڭ بارىنەن شىعىپ كەتكەم. دەمالا بەرەتىن ەلدەردى، قالالاردى، ادامداردى تۇسىنبەيمىن.
⠀
كەشە كەشكە دەيىن جۇمىس ىستەدىم. ويتكەنى جۇمىستان، جاسالىپ جاتقان ونىمدەردەن ءلاززات الامىن. پروتسەستى باقىلاۋ قوسىمشا كۇش سىيلايدى. تاڭەرتەڭ ەرتە تۇرىپ، سوتكا الۋعا قانشا دۇكەن ىزدەپ، بىرەۋىن تاپپادىم. ينتەرنەتتەن تاپسىرىس ءتۇسىپ، كليەنت كەلىپ تۇرسا، ونى قالاي 3 قاڭتارعا دەيىن كۇتتىرەدى؟! مەملەكەتتىك مەكەمە نەمەسە ءىرى كاسىپورىن بولسا، تۇسىنۋگە بولادى. ال شاعىن جانە ورتا بيزنەسكە دەمالۋعا جارامايدى عوي. 31, 1, 2 كۇندەرى جۇمىس ىستەيتىن ادام تابىلادى. كەشە بىزدە ەكى جىگىت 12-گە دەيىن ىستەيمىز دەگەندە، ريزا بولدىم. بار ەكەن ەڭبەكقور، ماقساتى بار جاندار! بارەكەلدى!
⠀
تۇسكى اس ىشەيىن دەپ كوشەگە شىقساق، الماتىنىڭ قاق ورتاسىندا اسحانالار مەن كافە-رەستوراننىڭ ءبارى جابىق. حالىققا قىزمەت كورسەتەتىن بيزنەس 24/7 رەجيمدە جۇمىس ىستەسە، بيزنەسى وركەندەيدى. سول بيزنەس يەلەرى كالەندار بويىنشا دەمالاتىنداي 5-10 ملن دوللار دەپوزيتكە سالىپ قويعانىنا كۇمانىم بار؟! كوشەدە كوزگە تۇسكەن Glovo, Wolt سياقتى تاماق تاسيتىن سەرۆيستەر بولدى. كىم ويلاپ تاپسا دا، بازار جوق، بۇلار ءالى نارىقتى جاۋلايدى. ءبىر عانا كافە تابىلدى. قىتاي اسحاناسىن ۇسىناتىن LANZHOU كافەسىندە تاماقتانىپ وتىرىپ، وسى پوستى جازدىم. جالپى وتكەن جىلدان بەرى وسى بيزنەستىڭ جۇرگىزىلۋىن باقىلاپ وتىرامىن. وتە مىقتى! قوجايىنى وسىندا ءار ءبىر تيىن ءۇشىن ەسەپ بەرىپ، تاماقتىڭ باعاسى 10-15 تگ قىمباتتاسا، حالىقتان كەشىرىم سۇراپ، نە ءۇشىن قىمباتتاتقانىن ءتۇسىندىرىپ، ەسەپتەپ بەرەدى. مىنە، وسەتىن بيزنەس! رەسەيدىڭ نارىعىنا دا كىردى. قوجايىنى - قازاق ايەل. كافەنىڭ ءستيلى، اتى قىتايشا بولسا دا، قىتايلىقتارعا قاتىسى جوق.
⠀
جالپى قىتاي جامان، ورىس، اراب، امەريكا وڭباعان دەي بەرمەي، سوعان كەتكەن ەنەرگيانى ءوزىڭدى، بيزنەسىڭدى دامىتۋعا جۇمساۋ پايدالىراق ەكەن. ءوز باسىم جاستىق ماكسيماليزممەن 2011-2017 جىلدار سىناماعان، مازاق قىلماعان سالام قالمادى. قازىر وندايعا ۋاقىتىم جوق، ءوزىمنىڭ ماسەلەم، دامىتاتىن دۇنيەلەرىم جەتەدى. سولاردان ۋاقىت ارتىلمايدى. كۇنى-ءتۇنى جۇمىس ىستەيمىن، باسقالارعا دا سونى ۇيرەتەمىن، قازاققا قازىر ءبىلىم-عىلىم، بيزنەس، جاڭا تەحنولوگيالار كەرەك. ەلىمىزدىڭ وزگەگە بودان بولماۋى ءۇشىن ءار قازاق جاۋاپتى دەپ ويلايمىن. ەلدەگى اقشا سىرتقا كەتپەۋى ءۇشىن ءار بيزنەسمەن 24 ساعات ەڭبەك ەتۋى ءتيىس.
⠀
جاڭا 2020 جىلدا ەڭبەكقور بولايىق. بوس ءسوز جوق، رەالنىي ءىس كوپ بولسىن! الەمدىك دەڭگەيدەگى بيزنەس اشاتىن دارەجەگە جەتەيىك

نۇرلان جانايدىڭ الەۋمەتتىك جەلىدەگى پاراقشاسىنان

Abai.kz