قازاقستان رەسپۋبليكاسى پرەمەر-ءمينيسترىنىڭ ورىنباسارى بەردىبەك ساپارباەۆ پەن قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ مەملەكەت باسشىسىنىڭ تاپسىرماسىمەن نۇر-سۇلتان قالاسىنىڭ حالىقتى جۇمىسپەن قامتۋ ورتالىعىندا (بۇدان ءارى -حجقو) جانە ەلوردانىڭ اۋداندىق اكىمدىكتەرىندەگى جۇمىسپەن قامتۋ بولىمدەرىندە بولىپ، جاڭا فورماتتاعى اتاۋلى الەۋمەتتىك كومەك (بۇدان ءارى - ااك) تاعايىنداۋ ءۇشىن قۇجاتتاردى قابىلداۋ بارىسىمەن تانىستى.

قازاقستان رەسپۋبليكاسى پرەمەر-ءمينيسترىنىڭ ورىنباسارى جانە ەڭبەكمينىنىڭ باسشىسى ءبىرىنشى كەزەكتە «ءبىر تەرەزە» قاعيداتى نەگىزىندە 70-تەن استام قىزمەت تۇرلەرىن ۇسىناتىن جانۇيا وتباسىلىق قولداۋ ورتالىعىندا بولدى. وسىدان كەيىن ولار حالىقتى جۇمىسپەن قامتۋ ورتالىعى مەن ەلوردانىڭ اۋداندىق اكىمدىكتەرىندەگى جۇمىسپەن قامتۋ بولىمدەرىنىڭ جۇمىسىمەن تانىستى، مۇندا نۇر-سۇلتان تۇرعىندارى ااك تاعايىنداۋ ءۇشىن قۇجاتتار تاپسىرا الادى.

«ازاماتتارعا ااك جانە كوپبالالى وتباسىلارعا جاردەماقى تاعايىنداۋ ەرەجەلەرىن ءتۇسىندىرۋ، بارىنشا قولايلى جاعداي جاساۋ كەرەك. ەگەر ادامداردا قوسىمشا سۇراقتار تۋىنداسا، باسقا مەملەكەتتىك ورگانداردان مامانداردى تارتۋ جانە سول جەردە وسى ماسەلەلەردى شەشۋ قاجەت. ەشقانداي تولقۋ بولماۋى كەرەك»، – دەپ تاپسىردى ساپارباەۆ.

«جانۇيا» ورتالىعىنىڭ، حالىقتى جۇمىسپەن قامتۋ ورتالىعى مەن جۇمىسپەن قامتۋ بولىمدەرىنىڭ قىزمەتكەرلەرى قۇجاتتاردى قابىلداۋ جۇمىستارى ادەتتەگىدەي ءجۇرىپ جاتقانىن حابارلادى. حالىق تاراپىنان ەشقانداي تولقۋ جوق.

جەرگىلىكتى اتقارۋشى ورگانداردىڭ اقپاراتى بويىنشا، ەلىمىزدىڭ باسقا وڭىرلەرىندە حجقو-دا ااك رەسىمدەۋگە نيەت بىلدىرگەن ازاماتتاردىڭ كوپ كەلۋى بايقالمايدى.

«ااك تاعايىنداۋعا ءوتىنىش بىلدىرگەن قازاقستاندىقتار جاڭا جىلدىق مەرەكەلەردەن كەيىن دەرەۋ جۇمىسپەن قامتۋ ورتالىقتارىندا قۇجاتتار تاپسىرۋعا جانە كەزەككە تۇرۋعا ۋاقىت جەتپەيدى دەپ الاڭداماۋى كەرەك. وتكەن جىلدىڭ جەلتوقسان ايىندا ەلدىڭ بارلىق وڭىرلەرىندە ااك تولەمدەرى الدىن الا جۇزەگە اسىرىلدى، ونى ازاماتتار قاڭتاردا الۋى ءتيىس. ەندى وسى ايدىڭ ىشىندە ادامدار قۇجاتتاردى وڭاي تاپسىرا الادى. ااك تاعايىنداۋ كريتەريلەرىنە سايكەس كەلەتىندەردىڭ بارلىعىنا قاڭتار جانە اقپان ايلارى ءۇشىن تولەمدەر تولەنەدى»، - دەدى ءبىرجان نۇرىمبەتوۆ.

سونداي-اق، بەردىبەك ساپارباەۆ حالىققا قىزمەت كورسەتۋ ورتالىعىنا باردى.
ەستەرىڭىزگە سالا كەتەيىك، 2020 جىلدىڭ 1 قاڭتارىنان باستاپ قازاقستاندا الەۋمەتتىك كومەك كورسەتۋدىڭ جاڭا تاسىلدەرى ەنگىزىلدى، ولار: اتاۋلى الەۋمەتتىك كومەكتى ءار توقسان سايىن تاعايىنداۋ; ااك تاعايىنداۋدىڭ بۇرىن قولدانىستاعى شەكتى ولشەمىن ساقتاۋ - وتباسىنىڭ ءار مۇشەسىنە شاققانداعى ورتاشا كىرىس كۇنكورىس دەڭگەيىنىڭ 70%-ىنان كەم بولۋى كەرەك; وتباسىنىڭ بارلىق مۇشەلەرى ءۇشىن ااك مولشەرىن جان باسىنا شاققانداعى كىرىس پەن كەدەيلىك شەگىنىڭ اراسىنداعى ايىرما رەتىندە انىقتاۋ; ۋچاسكەلىك كوميسسيالاردىڭ وسى پروتسەستەگى ءرولىن ارتتىرۋمەن وتباسىنىڭ ماتەريالدىق جاعدايىنا زەرتتەۋ جۇرگىزۋ مەرزىمىن 3 كۇننەن 7 كۇنگە دەيىن ۇلعايتۋ.
سونىمەن قاتار، ااك الاتىن وتباسىلاردىڭ بالالارى كەپىلدىك بەرىلگەن الەۋمەتتىك توپتاماعا يە بولادى.

سونىمەن، 1 جاستان 6 جاسقا دەيىنگى تابىسى از وتباسىلاردىڭ بالالارى ازىق – تۇلىك جيىنتىعىمەن جانە گيگيەنالىق قۇرالدارمەن، 6 جاستان 18 جاسقا دەيىنگى بالالار مەكتەپتەردە ىستىق تاماقپەن، وقۋ قۇرالدارىمەن جانە مەكتەپ كيىمدەرىمەن قامتاماسىز ەتىلەدى، سونداي-اق ولارعا مەكتەپكە دەيىنگى جول ءجۇرۋ شىعىندارى وتەلەتىن بولادى. مەديتسينالىق، ونىڭ ىشىندە ستوماتولوگيالىق كومەك 18 جاسقا دەيىنگى بالالارعا تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ شەڭبەرىندە كورسەتىلەدى.

Abai.kz