اقش بيلىگىنىڭ ۆيزا بەرۋدەن باس تارتۋ سەبەبى ازىرگە بەلگىسىز. مەملەكەتتىك دەپارتامەنت بۇل ماسەلەگە قاتىستى پىكىر بىلدىرمەدى.
باق مالىمەتىنە قاراعاندا، مۇنداي شەشىم ۆاشينگتون مەن تەگەران قارىم-قاتىناسى شيەلەنىسكەن تۇستا قابىلدانىپ وتىر. بۇعان 3 قاڭتاردا يراكتا يران گەنەرالى كاسەم سۇلەيمانيدى اقش كۇشتەرى جارىپ جىبەرۋى سەبەپ بولدى. ارنايى وپەراتسيانى ۇيىمداستىرۋ تۋرالى جارلىقتى پرەزيدەنت دونالد ترامپتىڭ ءوزى بەرگەن. يراننىڭ سىرتقى ىستەر ءمينيسترى قاۋىپسىزدىك كەڭەس وتىرىسىندا الەمدىك قاۋىمداستىقتى گەنەرال سۇلەيمانيدى ولتىرگەن اقش ارەكەتىن سىناۋعا شاقىرۋى كەرەك ەدى.
بۇۇ ءىس-شارالارىنا قاتىسۋشىلارعا ۆيزا بەرمەۋ - 1947 جىلى قابىلدانعان كەلىسىمگە قايشى. Foreign Policy دەرەكوزىنىڭ ايتۋىنشا، يران ءمينيسترى ۆيزانى "بىرنەشە اپتا بۇرىن" سۇراتقان.
ۆاشينگتون قاۋىپسىزدىك ءۇشىن ۆيزا بەرۋدەن باس تارتۋ قۇقىعىنا يە دەپ وتىر. بۇل تۋرالى Reuters اگەنتتىگى حابارلادى.
Abai.kz
