جەلىدە تارالعان تەگەراندا ءتۇسىرىلۋى مۇمكىن ۆيدەودا وق اتىلعان داۋىستار مەن جارالانىپ جاتقاندار كورىنەدى. بۇل ۆيدەولاردىڭ تەگەراندا تۇسىرىلگەنى ناقتى انىقتالعان جوق.

باتىس باسىلىمدارى كوپتەگەن كۋاگەرلەرگە سىلتەمە جاساپ، نارازىلارعا قارسى وق اتىلعانىن مالىمدەدى.

تەگەران پوليتسياسى نارازىلارعا وق اتىلعانىن جوققا شىعارادى. 13 قاڭتاردا پوليتسيا باسشىسى «پوليتسەيلەرگە نارازىلارعا قارۋ قولدانباۋ» تۋرالى بۇيرىق بەرىلگەنىن ايتتى. جارالانعاندار جايلى رەسمي ستاتيستيكا جوق.

10 قاڭتاردا يران بيلىگى ۋكراينالىق جولاۋشىلار ۇشاعىن قاتەلەسىپ اتىپ تۇسىرگەنىن مويىنداعان جوق ەلدە جاپپاي نارازىلىق باستالدى. نارازىلار ەل بيلىگىن 176 ادام وپات بولعان ۇشاق اپاتىنىڭ سەبەبىن جاسىرىپ كەلدى دەپ ايىپتادى. نارازىلىق كەزىندە جۇرت قازىرگى رەجيمنىڭ باسىندا تۇرعان اياتوللا ءالي حامەنەيدىڭ بيلىكتەن كەتۋىن تالاپ ەتتى. اكتسياعا قاتىسىپ جاتقانداردىڭ باسىم بولىگى – ستۋدەنت.

اقش پرەزيدەنتى دونالد ترامپ Twitter جەلىسىندە يران بيلىگىن نارازىلاردى ولتىرمەۋگە شاقىردى.

Abai.kz