جەرى ءۇشىن حالقى جايلاعان،
ولىمگە باسىن بايلاعان،
و، ارۋاقتار، تۇرىڭدار
وربۇلاقتى قورعاعان!

كوردەن تۇگەل تۇرىڭدار!
بەلدى بەكەم بۋىڭدار!
اتتىڭ باسىن تاعى دا
جەتىسۋعا بۇرىڭدار!

قازعان جاۋدان قالقالاپ،
ورلارىڭدى ارقالاپ،
قارقاراعا جەتىڭدەر
الماي تۇرىپ جاۋ تالاپ!

وتىرىك – كوپ، شىندىق – ءبىر،
وردى قايدان قازدىڭدار؟
وزدەرىڭ قىلعان شىندىقتى
وزدەرىڭ ىزدەپ تابىڭدار!
قابدەشتىڭ باسىن قاتىرماي،
قارقارادان وردى قازىڭدار!
تاريحتى قايتا جازىڭدار!
قىرعىزعا قاراي وتكىزبەي،
قالماقتى قارسى الىڭدار!
بۇيرىعىن قابدەش ورىنداپ،
ويراندى سوندا سالىڭدار!

كونە جاركەنت جەرىنە،
وقپانا قازعان بەلىڭە،
قازاقتىڭ ءوزى شاپتى ەندى،
تاپتىرماي تىنىم كورىڭە.
قابدەش، رۋسلان، داۋرەننىڭ
ۇشىراماي كارىنە.
وردى اپارىپ قويىڭدار
قارقارانىڭ تورىنە.
تۋرا قارار ۇشەۋى
قازاقتىڭ سوندا كوزىنە.

جازدا - جاڭبىر، قىستا - قار،
مال مەن ادام تاپتاعان،
وربۇلاقتى قۇدايىم
375 جىل ساقتاعان.
بابالار سوندا بەكىنىپ،
50 مىڭ قولدان قورىقپاعان.
سۋان ەلتىندى تاپقان جەر
قابدەشكە نەگە جاقپاعان؟
جالاقورعا 50 مىڭ
مەن دە قورىقپاي اتتانام.
كومەككە كەلەر ويتكەنى
ءجالاڭتوس، جاڭگىر – قوس بابام.
سەسكەنىپ، كىمنەن جاسقانام؟
قورعايدى مەنى ءالى دە
بابالار قازعان وقپانام.

(ور 1643 جىلى قازىلعان. بۇل 2001 جىلى تۇسىرىلگەن سۋرەتى)

بۇل قارا ولەڭ دە، اق ولەڭ دە، قاراسوز دە ەمەس، جالاعا شىداماعان جان دۇنيەنىڭ شىڭعىرىعى عانا. ونى قۇلاق ەستىمەيدى، ەستىسە دە، تۇسىنبەيدى، ونى تەك جۇرەكپەن تىڭداۋ كەرەك.

بەكسۇلتان نۇرجەكەەۆ،

30.12.2019 جىل.

Abai.kz