الماتى قالاسى تۇركىسىب اۋدانىنىڭ اكىمى پاۆەل كۋلاگين قىزمەتىنەن كەتتى. بۇل تۋرالى كۋلاگين الەۋمەتتىك جەلىدەگى پاراقشاسىنادا جازعان.

قۇرمەتتى تۇرعىندار! مەن ءوز ەركىممەن تۇركىسىب اۋدانى اكىمى قىزمەتىنەن كەتتىم. سىزدەرگە اۋدان ومىرىنە بەلسەندى قاتىسقاندارىڭىز ءۇشىن العىس ايتامىن. اۋداننىڭ ءارى قاراي دامۋىنا تىلەكتەسپىن جانە ۇنەمى ول ءۇشىن الاڭداپ وتىرامىن. بارلىعى ءۇشىن راحمەت! - دەپ جازدى.

ال، تۇركىسىب اۋدانىنىڭ اكىم بولىپ باقىتجان اقجاروۆ تاعايىندالدى. ول پرەزيدەنتتىك جاستار كادرلىق رەزەرۆىنىڭ وكىلى. بۇعان دەيىن اقجاروۆ الماتى قالالىق تۇرعىن ءۇي ساياساتى باسقارماسىنىڭ باستىعى قىزمەتىن اتقارعان.

Abai.kz