باتىستىڭ وركەنيەتتى ەلدەرىندە ساياسي ەليتانىڭ سونىڭ ىشىندە تانىمال ءىرى لاۋازىمدىلاردىڭ وتباسىلىق ءومىرى مەيلىنشە اشىق جاريالى بولىپ كەلەدى. كەرىسىنشە، قاتارداعى قاراپايىم جانداردىڭ جەكە تىرلىگىنە قول سۇعىلمايدى. نەگە؟

سەبەبى، ەل مەن مەملەكەتتىڭ تاعدىرىنا ساياسي ەليتانىڭ ىقپالى باسىم. سول سەبەپتەن، ەل باسقارۋعا كەلگەن كەز-كەلگەن ادامنىڭ وتباسى، جەكە بولمىسى مەن ارەكەتى مەيلىنشە كىرشىكسىز تازا، اق ءادىل بولعانى ماڭىزدى بولىپ سانالادى. ولاردىڭ ءار قادامدارى ەل الدىندا اشىق ايقىن كورىءنىپ تۇرۋى ماڭىزدى دەلىنەدى. ايتالىق، اقش پرەزيدەنتى ريچارد نيكسون وپپوزيتسيا وكىلدەرىنىڭ ءوزارا اڭگىمەسىن قۇپيا قۇرىلعى ارقىلى تىڭداعانى اشكەرە بولعان ساتتە-اق دەرەۋ ءوز ەركىمەن وتستاۆكاعا كەتتى. ار-ۇيات الدىندا ادالدىق دەگەن سول. سونشاما لاس ارەكەتتەن كەيىن ءوزىن ەل باسقارۋعا مورالدىق قۇقى جوق دەپ ساناعان.

ال، بىزدە عوي، ۇرلاعان قارجىسى اشكەرە بولسا دا، ءتىپتى ودان سوراقىسى انىقتالسا دا، تىم قۇرىعاندا حالىق الدىنا شىعىپ ءوز ءۋاجىن ايتپايدى، ءمىز باقپاي بەتتەرىنە كون جاماپ الىپ، جۇرتقا اقىلگويسىپ جۇرە بەرەدى.

ءىرىپ-ءشىرۋدىڭ، قۇلاپ-قۇلدىراۋدىڭ بۇدان اسقان سوراقىسى جوق شىعار.

قۋاندىق شاماحايۇلىنىڭ الەۋمەتتىك جەلىدەگى جازباسىنان

Abai.kz