پرەزيدەنت قاسىم-جومارت توقاەۆ قىتايداعى كوروناۆيرۋستىڭ ەلىمىزدە تارالۋىنا جول بەرمەۋ ءۇشىن ۇكىمەتكە ناقتى شارالار قابىلداۋدى تاپسىردى.

«ۇكىمەتكە قىتايدا پايدا بولعان كوروناۆيرۋستىڭ قازاقستان اۋماعىنا تارالۋىنا جول بەرمەۋ جونىندە ناقتى ۇيىمداستىرۋ شارالارىن قابىلداۋ تاپسىرىلدى»، - دەپ جازدى مەملەكەت باسشىسى Twitter-دە.

سوڭعى دەرەكتەر بويىنشا قىتايدا پنەۆمونيالىق ۆيرۋستى (كوروناۆيرۋس) جۇقتارعاندار سانى 2000-عا جۋىقتاعان جانە 56 ادام كوروناۆيرۋستان كوز جۇمعان.

ۆيرۋس وشاعى قىتايدىڭ ورتالىق بولىگىندە ورنالاسقان ۋحان قالاسى دەپ ايتىلادى. وندا 11 ميلليون ادام تۇرادى.

قىتايدا تاراعان ۆيرۋس اۆستراليا، وڭتۇستىك كورەيا، جاپونيا، گونكونگ، اقش، كانادا، فرانتسيا جانە تايۆانعا جەتكەن. ال قر دەنساۋلىق ساقتاۋ مينيسترلىگى قاۋىپتى ينفەكتسيا جۇقتارعىندار ەلىمىزدە جوق ەكەنىن مالىمدەگەن. سونداي-اق، قۇزىرلى مينيسترلىك كوروناۆيرۋستى زەرتحانالىق جاعدايدا انىقتاۋعا مۇمكىندىك بەرەتىن پرايمەرلەردى ساتىپ الا باستاعان.

قىتايدىڭ ۋحان قالاسىندا بۇگىندە قازاقستاننان 230 ستۋدەنت وقيدى. ولاردىڭ 98-ءى ءالى سوندا قالىپ وتىر.

Abai.kz