ۇيىم باسشىسى تەدروس گەبرەيەسۋس ازىرشە حالىقارالىق بايلانىستار مەن ساۋداعا شەكتەۋ كىرگىزۋگە نەگىزگى سەبەپتەر جوق ەكەنىن مالىمدەدى.

سوڭعى مالىمەتكە قاراعاندا، كوروناۆيرۋستى قىتايدان باسقا ەلدەردە (18 مەملەكەتتە) جۇقتىرعانداردىڭ سانى 100-دەن اسقان. قىتايدىڭ وزىندە 30 قاڭتارداعى مالىمەت بويىنشا 170 ادام قازا بولىپ، 8 مىڭعا جۋىق كىسى ىندەتتى جۇقتىرعانى حابارلاندى. بۇدان بولەك 1370 ادامنىڭ جاعدايى اۋىر ەكەنى ايتىلادى.

ەپيدەميا جەلتوقساننىڭ اياعىندا قىتايدىڭ ۋحان قالاسىندا باستالعان.

قىتايدىڭ وزىندە 60 ميلليون ادام تۇراتىن بىرنەشە قالا كارانتينگە جابىلدى.

قىتايدىڭ جۇقپالى اۋرۋلاردى ەمدەۋ بويىنشا مەملەكەتتىك زەرتحاناسى بۇل ىندەتكە قارسى ەمدەۋ قۇرالدارىن تەستتەن وتكىزۋگە كەمىندە ءۇش اي كەرەك دەپ وتىر.

بۇل سوڭعى ون جىلدا دۇنيەجۇزىلىك دەنساۋلىق ساقتاۋ ۇيىمى تارابىنان جاريالانعان التىنشى توتەنشە جاعداي. وسىعان دەيىن ەبولا جانە زيكا ۆيرۋستارىنا بايلانىستى توتەنشە جاعداي جاريالانعان.

Abai.kz