ءبىز ادامزاتقا قاجەتتى ءونىم شىعارىپ كورمەگەن ۇلتپىز
قازىرگى كوپ نەگاتيۆتەردىڭ استارىندا قازاق قوعامىنىڭ جاڭا زامان اعىمىنا بەيىمدەلە الماۋى دا جاتىر. ءبىز ەشقاشان، ەشۋاقىتتا الەمدىك اشىق كونكۋرەنتسياعا ءتۇسىپ، اتا-بابامىز كاپيتاليست بولىپ ادامزاتقا قاجەتتى ءونىم شىعارىپ كورمەگەن ۇلتپىز. سوڭعى 200 جىل وتارشىلىقتا بولىپ ءبىز ءۇشىن بىرەۋ شەشىپ كەلدى. تاۋەلسىزدىك العان 30 جىلدا جاڭا قازاقستاندىق قۇندىلىقتار تولىق قالىپتاسىپ بىتپەدى. جابىق كەڭەس زامانىندا وسكەن اكە-شەشەمىز دە بىلگەنىن، كورگەنىن ايتىپ تاربيەلەدى. ءبىز سول بۋىننىڭ بۇگىنگى ۇرپاقتارىمىز. بىرەۋ دىنگە، ەندى بىرەۋى جالعان ۇرانعا، باسقاسى ۇساق-تۇيەك ءۇشىن قىرقىسقان بولمايتىن داۋعا اينالعان قوعامىمىز بار.
كوممۋنيزمنەن كاپيتاليزمگە وتپەلى زاماندا وتىرعان ءبىزدىڭ قوعامعا مىقتى قۇقىقتىق، قارجىلىق، مەملەكەتتىك باعدارلامالاردى ءبىلۋ مەن ونى پايدالانۋ، وتباسى كيكىلجىڭىن شەشۋ مەن قوعامدا ورنىن تابۋ ءۇشىن پسيحولوگيالىق تۇرعىدا مىقتى مامانداردان كەڭەس الۋ جەتىسپەيدى. سانا ترانسفورماتسياسى وسى ءتورت سالادان باستالۋى ءتيىس. سانا، مەنتاليتەت، تۇسىنىك وزگەرۋى كەرەك. العا جىلجۋ بار. 2000 جىلدارداعى حالىق پەن بۇگىنگى قوعامدى سالىستىرا المايسىڭ. بىراق الەمدىك دامۋ دا ورنىندا تۇرعان جوق. ادامزات بالاسىنىڭ دامۋى، تەحنولوگيانىڭ ءوسۋى ءبىزدىڭ قوعامدىق دامۋدان كۇشتى.
باۋىرجان سەرىكبايدىڭ الەۋمەتتىك جەلىدەگى جازباسىنان
Abai.kz
