پومپەو قازاقستانعا نەگە كەلدى؟
پومپەو نە ءۇشىن پوست-كەڭەستىك ەلدەر اراسىندا ۋكراينا، بەلارۋس، قازاقستان جانە وزبەكستانعا كەلدى. ەگەر بۇل وسىدان 5 جىل بۇرىن بولعاندا، ول بەلارۋس پەن وزبەكستاندى اينالىپ وتەر ەدى. جاقىندا رەسەي مەن بەلارۋس اراسىندا مۇناي جەتكىزۋگە بايلانىستى كەلىسپەۋشىلىكتەر بولعانى جايلى اقپارات شىعىپ ەدى. سول ءساتتى پايدالانىپ، اقش لۋكاشەنكومەن بايلانىستى جاقسارتپاق. ءتىپتى «ءبىز سىزدەرگە قاجەت مۇنايدى بەرەمىز» دەگەن پومپەونىڭ ءسوزى دە جاڭالىقتاردا تارادى. ءبىر سوزبەن ايتقاندا، اقش رەسەيدىڭ ەۋروپاداعى ەڭ جاقىن سەرىكتەستەرىنىڭ ءبىرىن ناتو پوليگونىنا اينالدىرعىسى كەلەدى. ال وزبەكستان ەۋرازيالىق ەكونوميكالىق وداققا كىرۋگە اسىقپاي جاتىر. اقش وزبەكتەردىڭ سول جانە باسقا دا ورتاق وداقتارعا كىرمەي تۇرعاندا ءوز جاقتاسىنا اينالدىرۋدى كوزدەيدى. سول ءۇشىن دە مىرزاەۆتىڭ رەفورمالارىنا اقش ۇكىمەتى $100 ميلليون بولەتىنى جاريا بولدى.
ال قازاقستان رەسەيدەن الىستاماسا دا، پومپەونىڭ نەگە كەلگەنى قىزىق بولار؟ امەريكالىقتار قازاقستاننىڭ ىشكى ساياسي قۇرىلىمىندا تالاس بولىپ جاتقانىن ءبىلىپ، كەلىپ وتىر. ەرتەڭ فورمالدى بيلىك سيمۋلياتسياسى جويىلىپ، ترانزيت بىتكەندە وسى نەتۆوركينگ كومەگى ءتيىپ قالارى انىق.
ال ءسىز نە ويلايسىز؟
جولداس ءورىسبايدىڭ الەۋمەتتىك جەلىدەگى جازباسىنان
Abai.kz
