جەزقازعان جۇرتشىلىعى ابىلايحاننىڭ تاريحي جورىق جولدارى مەن قازاق تاريحىندا كەنەسارى حاننىڭ حان تاعىنا وتىرعانىنا 170 جىل تولۋىنا وراي ۇيىمداستىرىلعان عىلىمي- ەكسپەديتسيا توبىن شىعارىپ سالدى

جەزقازعان جۇرتشىلىعى ابىلايحاننىڭ تاريحي جورىق جولدارى مەن قازاق تاريحىندا كەنەسارى حاننىڭ حان تاعىنا وتىرعانىنا 170 جىل تولۋىنا وراي ۇيىمداستىرىلعان عىلىمي- ەكسپەديتسيا توبىن شىعارىپ سالدى

جەزقازعان قالاسىنىڭ اكىمى بەرىك ابدىعاليۇلىنىڭ قولداۋىمەن، ەل تاۋەلسىزدىگىنىڭ 20 جىلدىعى قۇرمەتىنە حان ابىلاي بابامىز بەن  كەنەسارى حاننىڭ جورىق جولدارىن زەرتتەۋ ماقساتىندا جەزقازعاننان  عىلىمي- ەكسپەديتسيا ساپارعا شىقتى. بۇل عىلىمي-ەكسپەديتسيانىڭ نەگىزگى ماقساتى - بابالارىمىز جۇرگەن جەرلەردە بولىپ، كونە قورىمدارعا، ەسكەرتكىشتەر مەن جادىگەرلەردى زەرتتەپ، تاريحي وقيعالارعا قاتىسى بار مەكەندەرگە سوعىپ،  سۋرەتكە ءتۇسىرىپ، تىڭ دەرەكتەر، باسقادا مالىمەتتەر جيناقتاۋ. عىلىمي-ەكسپەديتسيا قازاقستاننىڭ ءبىراز وڭىرلەرىنە ات باسىن بۇرماقشى. زەرتتەۋشىلەر 15-ءى مەن 27-ءشى قىركۇيەك ارالىعىندا 3200 شاقىرىم جەر ءجۇرىپ وتپەكشى. اتاپ ايتساق، جەزقازعان- ۇلىتاۋ-ارقالىق-پەتروپاۆلوۆسك-كوكشەتاۋ-استانا-قاراعاندى-جاڭاارقا-جەزقازعان وڭىرلەرىن قامتيدى.  عىلىمي-ەكسپەديتسيانىڭ قۇرامىندا ق. ي. ساتباەۆ اتىنداعى مۇراجايدىڭ ديرەكتورى، ولكەتانۋشى كەنجال بالكەنوۆ، جەزقازعان قالاسى مەملەكەتتىك مۇراعاتتىڭ ديرەكتورى، ولكەتانۋشى ءارى ۇيىمداستىرۋشى باعدات بايجانتاەۆ، قەنەسارى حاننىڭ ءتورتىنشى ۇرپاعى قامبار فايزوللاۇلى، جەزقازعان تاريحي-ارحەولوگيالىق مۇراجايىنىڭ قىزمەتكەرلەرى، سۋرەتشىلەر، بەينەتاسپاعا تۇسىرۋشىلەر مەن فوتوگروۆتار، ولكەتانۋشىلار مەن تاريحشىلار بار. ساياحاتشىلاردى جەزقازعان قالاسىنىڭ تۇرعىندارى سالتاناتتى تۇردە شىعارىپ سالدى. جەزقازعان قالاسى اكىمىنىڭ ورىنباسارى بەيبىت مۇزارافۇلى احانوۆ ەكسپەديتسيا مۇشەلەرىنە امان بارىپ ساۋ قايتۋلارىن تىلەپ، اق جول بولسىن ايتتى.

«اباي-اقپارات»