ۇلى ابايدىڭ 175 جىلدىعىنا وراي «استانا وپەرا» تەاترىنىڭ كامەرالىق زالىندا حالىقارالىق بايقاۋلاردىڭ لاۋرەاتى نۇر-سۇلتان قالاسى اكىمدىگى مەملەكەتتىك اكادەميالىق فيلارمونياسىنىڭ كامەرالىق حورىنىڭ كونتسەرتى ءوتتى.

«ادامزاتتىڭ ابايى» دەپ اتالعان كونتسەرت 1 ساعات 20 مينۋتقا سوزىلدى. ەلىمىزگە عانا ەمەس، شەتەلدەرگە دە تانىلىپ ۇلگەرگەن بۇل ۇجىمنىڭ كونتسەرتى وتە جوعارى دەڭگەيدە ءوتتى. بۇعان دالەل، قالىڭ كورەرمەننىڭ ىستىق ىقىلاسى.

كەشتە ابايدىڭ الەم تانىعان شىعارمالارى ورىندالىپ، بىرنەشە تىلدە ولەڭدەرى وقىلدى.

بۇل كەشتى مىرزاتاي جولداسبەكوۆ، اباي تاسبولاتوۆ، بايانعالي ءالىمجانوۆ، جانعالي ءجۇزباي، قاپاش قۇلىشەۆا، تولەن ابدىكۇلى، امانتاي جۇماشەۆ باستاعان زيالى قاۋىم وكىلدەرى تاماشالادى.

كونتسەرتتە قازاقستاننىڭ ەڭبەك سىڭىرگەن قايراتكەرلەرى – تالعات مۇساباەۆ، ازامات جىلتىركوزوۆ، حالىقارالىق بايقاۋلاردىڭ لاۋرەاتتارى – اسىلجان قايىپوۆ، نۇرجان ساعىناي (دومبىرا), جۇبانىش زەتوۆا، ەركەبۇلان ابدىقالىقوۆ، مانشۇك قۇرمانعازينا، جاندوس بايبوسىنوۆ، فورتەپيانو پارتياسى – گۇلدەن بازىكەندەر ونەر كورسەتتى.

ءبىر جارىم ساعاتقا سوزىلعان كەش اباي شىعارمالارىن جاڭاشا ناسيحاتتاۋدىڭ جارقىن ۇلگىسىن كورسەتكەندەي بولدى. ەلىمىزگە عانا ەمەس، شەتەلدەرگە دە تانىلىپ ۇلگەرگەن بۇل ۇجىمنىڭ كونتسەرتى وتە جوعارى دەڭگەيدە وتكەندىگىن كورەرمەندەردىڭ ىستىق ىقىلاسىنان بايقادىق.

فيلارمونيانىڭ باستى ۇجىمدارىنىڭ ءبىرى - كامەرالىق حور ءبىزدىڭ ەلىمىزدە عانا ەمەس، شەتەلدەرگە دە تانىمال. ۇجىمدى حالىقارالىق دەڭگەيدە مويىنداۋىنا لاتۆياداعى حالىقارالىق حور فەستيۆالىندەگى ەكى التىن مەدالى، «شابىت» شىعارماشىل جاستار بايقاۋىنداعى باس جۇلدەسى، قىتايداعى حالىقارالىق حور فورۋمىنداعى ەكى التىن كۋبوگى جانە ۆەنگرياداعى تابىستى ونەر كورسەتكەندىگى ايقىن دالەل.

كامەرالىق حوردىڭ كوركەمدىك جەتەكشىسى جانە باس ديريجەرى، قر ەڭبەك سىڭىرگەن قايراتكەرى گۇلميرا قۇتتىباداموۆانىڭ ايتۋىنشا: «ۇجىمنىڭ نەگىزگى ماقساتى – ۇلتتىق رەپەرتۋاردى دارىپتەۋ».

ۇجىم ءوزىنىڭ جەكە رەپەرتۋارىن جاساپ، كونتسەرتتىك باعدارلامالار دايىنداعان. ونىڭ ىشىندە ءبىرجان سال شىعارماشىلىعىنا ارنالعان «ايبوزىم»، قازاق اقىندارى مەن انشىلەرىنىڭ شىعارماشىلىعىنان «ۇلى دالا جاڭعىرىعى»، قازاق حالىق اندەرى وڭدەلگەن «جانىمدى تەربەتكەن اۋەن» جانە «ۇلى دالا اۋەندەرى»، سونداي-اق «پاليترا سوزۆۋچي XX ۆەكا»، «قازاقستاننىڭ زاماناۋي حور مۋزىكاسى» توپتامالارى بار.

Abai.kz