جامبىل وبلىسى، قورداي اۋدانىنا قاراستى ماسانچي اۋىلىندا جەرگىلىكتى تۇرعىندار اراسىندا جانجال شىقتى دەگەن اقپارات الەۋمەتتىك جەلىگە تارادى.

كەيىن جامبىل وبلىسى پوليتسيا دەپارتامەنتى تۇرعىندار اراسىندا جانجال بولعانىن راستاعان. اتالعان دەپارتامەنتتىڭ تەرگەۋ باسقارماسى جانجالعا بايلانىستى تەرگەۋ جۇمىستارىنىڭ باستالعانىن حابارلاعان. رەسمي اقپاراتقا جۇگىنسەك، سوتقا دەيىنگى تەرگەۋ قىلمىستىق كودەكستىڭ "بۇزاقىلىق" بابى بويىنشا جۇرگىزىلەدى.

اتالعان جانجالعا قاتىستى اقپاراتتى راستاعان رەسمي باسقارما تۇرعىندار اراسىنداعى توبەلەسكە نە تۇركى بولعانىن اتاپ ايتپاعان. تەك، "پوليتسەيلەر جانجالدى توقتاتتى. جاعداي قازىر باقىلاۋدا" دەپ مالىمدەگەن.

قازىر Whatsاpp جەلىسىندە ءتۇرلى ۆيدەولار تاراپ جاتىر. ونداعى كادرلار قوردايدا تۇسىرىلگەن دەپ سيپاتتالادى. الەۋمەتتىك جەلىلەردەگى بەينە جازبالاردا ورتەنگەن عيمارات، سىنعان كولىكتەر مەن پوليتسيا كولىكتەرى بايقالادى.

جامبىل وبلىستىق پوليتسيا دەپارتامەنتى جۇرتتى "تەك رەسمي اقپاراتقا سەنۋگە، جەلىدە تاراعان اقپاراتتارعا سەنبەۋگە شاقىرىپ، جالعان اقپارات تاراتقاندار جاۋاپقا تارتىلاتىنىن" ەسكەرتتى.

Abai.kz