پرەمەر-ءمينيستردىڭ سايتى بالالارىن جەتەكتەپ كەدەن بەكەتىنەن ءوتىپ جاتقان وتباسىلاردىڭ سۋرەتىن جاريالادى. ونداعى دەرەككە سايكەس، اۋقاتتى پۋنكتىندە قازاقستان جاققا ءوتۋ ءۇشىن ادامدار كەزەككە تۇرعان. ولاردىڭ باسىم بولىگى - ايەلدەر مەن بالالار.
پرەمەر-ءمينيستردىڭ ورىنباسارى بەردىبەك ساپارباەۆ وتكىزۋ پۋنكتىندە تۇرعانداردى "ارانداتۋعا ەرمەۋگە" شاقىرىپ، قيراعان ۇيلەردىڭ قالپىنا كەلەتىنىن، وتباسىلارعا كومەك بەرىلەتىنىن ايتقان.
"قازىر ءبىزدىڭ ماماندار جۇمىس ىستەپ جاتىر، زارداپ كولەمىن ەسەپتەپ جاتىر. قىرعىزستانداعى تۋىستارىنىڭ ۇيلەرىندە تۇرىپ جاتقان جاقىندارىڭىزعا جەتكىزىڭىزدەر - ۇيلەرىنە قايتسىن" دەدى ول.
ساپارباەۆتىڭ ايتۋىنشا، قازىر اۋداندا جاعداي تۇراقتانعان. ءتۇن تىنىش وتكەن. سايتتىڭ جازۋىنشا، قازاقستانعا ورالىپ جاتقان ازاماتتاردى بەكەتتە جەڭىلدەتىلگەن تارتىپتە وتكىزىپ جاتىر.
قىرعىزستاننىڭ شەكارا قىزمەتى دەرەگىنە سۇيەنگەن ازاتتىقتىڭ قىرعىز قىزمەتى قازاقستاننان كەلۋشىلەر سانى ازايعانىن حابارلادى.
9 اقپان تاڭەرتەڭگى ساعات 10.00-دەگى جاعداي بويىنشا، قىرعىزستاننان مىڭنان استام ادام قازاقستانعا وتكەن.
Abai.kz
