الماتى وبلىسى اكىمىنىڭ ورىنباسارى باعدات مانزوروۆ ءوز ەركىمەن جۇمىسىنان كەتتى. ءوڭىر باسشىسى اماندىق باتالوۆ ورىنباسارىن اپپارات جيىنىندا جىلى پىكىرمەن شىعارىپ سالدى. 

وبلىس اكىمى اماندىق باتالوۆ باعدات مانزوروۆتىڭ جۇمىس ىستەگەن ۋاقىتىندا ءوز ءىسىنىڭ كاسىبي شەبەرى ەكەنىن دالەلدەپ، تاجىربيەلى جەتەكشى ەكەنىن كورسەتە بىلگەنىن تىلگە تيەك ەتتى.

سونداي-اق، ارىس قالاسىن قالپىنا كەلتىرۋگە كۇش سالىپ، ءوڭىردى گازداندىرۋدا، تۇرعىنداردى جىلۋمەن قامتاماسىز ەتۋگە قوسقان ەلەۋلى ەڭبەگىن ەسكەرىپ، الداعى قىزمەتىنە ساتتىلىك تىلەدى. ءوز كەزەگىندە ەكس-ورىنباسار جەتى ايدا ءبىراز ءىس اتقارىلعانىن ايتىپ، ارىپتەستەرىنە العىس ءبىلدىردى. العاشقى ءىسساپارىن وبلىس باسشىسىمەن ارىس قالاسىنان باستاپ، شاھاردى قالپىنا كەلتىرۋدە جاۋاپتى جۇكتەمەلەردى ءساتتى ورىنداپ شىققانىن جەتكىزدى.

ەسكە سالساق، باعدات مانزوروۆ 2019 جىلدىڭ شىلدە ايىندا الماتى وبلىسى اكىمىنىڭ ورىنباسارى قىزمەتىنە تاعايىندالىپ، تۇرعىن ءۇي-كوممۋنالدىق شارۋاشىلىعىن، كاسىپكەرلىك جانە تۋريزم سالالارىن قاداعالادى.

دەرەككوز: قازاقپارات

Abai.kz