قر اقپارات جانە قوعامدىق دامۋ مينيسترلىگى ازاماتتىق قوعام ىستەرى كوميتەتىنىڭ اقپاراتى بويىنشا، 2020 جىلدىڭ 31 ناۋرىزىندا ۇكىمەتتىك ەمەس ۇيىمداردىڭ ءوز قىزمەتى تۋرالى مالىمەتتەردى ۇەۇ دەرەكقورىنا ۇسىنۋ مەرزىمى اياقتالادى.

وسىعان بايلانىستى جەكە مەكەمە، قوعامدىق بىرلەستىك (ساياسي پارتيالار، ءدىني بىرلەستىكتەر مەن كاسىپتىك وداقتار تۇرىندە قۇرىلعان قوعامدىق بىرلەستىكتەردى قوسپاعاندا), كوممەرتسيالىق ەمەس اكتسيونەرلىك قوعام (قۇرىلتايشىسى نەمەسە اكتسيونەرى مەملەكەت بولىپ تابىلاتىن كوممەرتسيالىق ەمەس اكتسيونەرلىك قوعامدارعا قوسپاعاندا), قوعامدىق، كورپوراتيۆتىك جانە جەكە قورلار، قاۋىمداستىق (وداق) نىسانىنداعى زاڭدى تۇلعالار بىرلەستىگى نىسانىنداعى ۇكىمەتتىك ەمەس ۇيىمدارعا، سونداي-اق قازاقستان رەسپۋبليكاسىنىڭ اۋماعىندا قىزمەتىن جۇزەگە اسىراتىن شەتەلدىك جانە حالىقارالىق كوممەرتسيالىق ەمەس ۇيىمداردىڭ فيليالدارى مەن وكىلدىكتەرىنە infonpo.gov.kz ۆەب-پورتالىندا ەلەكتروندىق ەسەپتىلىك نىسانىن ۋاقتىلى تولتىرۋدى ۇسىنادى.

قولدانىستاعى زاڭناماعا سايكەس ۇەۇ دەرەكقورىندا تىركەلۋ مەملەكەتتىك الەۋمەتتىك تاپسىرىس جانە مەملەكەتتىك گرانتتار شەڭبەرىندە الەۋمەتتىك باعدارلامالاردى جانە (نەمەسە) الەۋمەتتىك جوبالاردى ىسكە اسىرۋعا، سونداي-اق ۇەۇ ءۇشىن سىيلىق الۋعا ارنالعان كونكۋرسقا قاتىسۋ ءۇشىن مىندەتتى شارت بولىپ تابىلادى.

ۇەۇ قىزمەتى تۋرالى مالىمەتتەردى ەلەكتروندىق تۇردە infonpo.gov.kz ۆەب-پورتالى ارقىلى ۇسىنۋ ءۇشىن حالىققا قىزمەت كورسەتۋ ورتالىعىنىڭ جاقىن جەردەگى بولىمشەسىندە (حقكو) ەلەكتروندىق تسيفرلىق قولتاڭبانى (ەتسق) الۋ قاجەت.

مالىمەتتەردى ينتەرنەت ارقىلى تاپسىرۋعا مۇمكىندىگى جوق ازاماتتار ءۇشىن پوشتا ارقىلى نەمەسە قولما-قول قاعاز جانە ەلەكتروندىق تاسىعىشتاردا (CD-ديسكىلەردە نەمەسە DOC, DOCX فورماتىندا USB-فلەش-جيناقتاعىشتاردا) تاپسىرۋ مۇمكىندىگى بار.

ۇەۇ قىزمەتى تۋرالى مالىمەتتەردى پوشتا ارقىلى نەمەسە قولما-قول ىلەسپە حاتپەن مىنا مەكەنجايعا جىبەرۋ قاجەت: 010000, استانا قالاسى، ەسىل اۋدانى، ماڭگىلىك ەل داڭعىلى، 8, 14-كىرەبەرىس، قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ ازاماتتىق قوعام ىستەرى كوميتەتى.

ۇەۇ دەرەكقورىنا مالىمەتتەردى ۋاقتىلى ۇسىنباعانى ءۇشىن قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىك كوزدەلگەن.

Abai.kz