ءبىرتانوۆ: كورونوۆيرۋس جۇقتىرعان دەگەن كۇدىكپەن 18 ادام اۋرۋحانادا جاتىر
قر دەنساۋلىق ساقتاۋ ءمينيسترى ەلجان ءبىرتانوۆ كورونوۆيرۋس تىركەلگەن ەلدەردەن كەلگەن 18 ادام قازاقستاننىڭ ستاتسيونارلارىندا جاتقانىن حابارلادى.
ءبىرتانوۆتىڭ ايتۋىنشا، 1 اقپاننان باستاپ وتكىزۋ بەكەتتەرىندە 780 339 ادام تەكسەرىلگەن. 30298 ادام مونيتورينگقا الىنسا، ونىڭ 24 432 ادامى قايتا شىعارىلىپتى.
قازىر 5 866 ادام مونيتورينگتە قالىپ وتىر. 803 ادام كارانتينگە ورنالاستىرىلعان. ونىڭ 524-ءى شىعارىلدى. كارانتيندە قازىر 279 ادام قالىپ وتىر. 183 ادام كورسەتكىشتەرى بويىنشا اۋرۋحانالارعا جاتقىزىلسا، قازىرگە دەيىن 165 ادام شىعارىلىپ، 18 ادام ءالى قارالىپ جاتىر.
Abai.kz
