ۇيىمداعى قىرعىزستاننىڭ تۇراقتى وكىلى دانيار مۇقاشەۆ قازاقستان حالىقارالىق ساۋدا ەرەجەلەرىنىڭ تالاپتارىن بۇزعانى جونىندە بايانداما جاسادى. وندا ول 2019 جىلدىڭ ناۋرىز ايىنان بەرى قىرعىزستاننان ءۇشىنشى ەلگە باراتىن جۇك كولىكتەرىن نەگىزسىز توقتاتىلىپ، تەكسەرىلەتىنىن اتاپ وتكەن.

سول سەبەپتەن قىرعىزستان ەكسپورتى 2019 جىلى 24,4 پروتسەنتكە ازايعانى ايتىلادى.

قازاقستان تارابى بولسا، بۇل دايەكتەردى تەرىسكە شىعاردى. قازاق تارابى كەلتىرگەن دەرەكتەرگە سۇيەنسەك، قىرعىزستاننان وتەتىن تاۋارلار كونتراباندالىق جولمەن ءوتىپ، سالىقتار تولەنبەي، مەملەكەت قازىناسىنا زيان اكەلىپ جاتىر.

قازاقستاننىڭ كىرىستەر كوميتەتىنىڭ وكىلى ولجاس وتارتىڭ ايتۋىنشا، ءۇشىنشى ەلگە وتەتىن تاۋارلار كوبىندە قازاقستان اۋماعىندا قالىپ، ساتىلاتىنىن ايتقان.

"مىسالى، سوڭعى ءۇش اي ىشىندە 601 زاڭ بۇزۋ فاكتىسى انىقتالدى. ولاردىڭ قۇجاتتارىندا جۇكتى قازاقستان ارقىلى رەسەيگە جەتكىزەتىنى كورسەتىلگەن. بىراق بۇل تاۋارلار قازاقستان اۋماعىندا ساتىلعان. جالپى باعاسى 5 ملرد تەڭگە بولاتىن بۇل ساۋدا جۇكتەرىنەن 600 ملن تەڭگەگە جۋىق سالىق الىنۋى كەرەك ەدى. وسىنداي كورىنىستەر جول بەرىلمەس ءۇشىن، ءبىز جۇك كولىكتەرىن تەكسەرۋگە ءماجبۇرمىز", - دەگەن ولجاس وتار.

Abai.kz