پرەزيدەنت سارايىندا قازىرگى مەملەكەت باسشىسى اشراف عاني انت بەردى. ءدال وسى ۋاقىتتا كورشى سارايدا پرەزيدەنت سايلاۋىندا جەڭىسكە جەتتىم دەپ سانايتىن پرەمەر-مينيستر ابدۋللا ابدۋللانىڭ تاققا وتىرۋ شاراسى ءوتىپ جاتتى.

اۋعانستاندا پرەزيدەنت سايلاۋى بىلتىر 28 قىركۇيەكتە وتتى. ناتيجەسى تەك بەس اي وتكەندە، 18 اقپاندا جاريالاندى. ەلدىڭ ورتالىق سايلاۋ كوميسسياسىنىڭ مالىمدەۋىنشە، اشراف عاني 50,64 پروتسەنت داۋىس جيناپ جەڭىسكە جەتكەن. ونىڭ جەڭىسىن الەم قاۋىمداستىعى مويىندادى.

رەسمي مالىمەت بويىنشا، ەكىنشى ورىندى 39,52 پروتسەنت داۋىسپەن ابدۋللا ابدۋللا العان. ول سايلاۋ ناتيجەسىن مويىنداۋدان باس تارتىپ، ءوزىنىڭ جەكە ۇكىمەتىن قۇراتىنىن مالىمدەگەن.

اۋعانستاندا ەكى ۇكىمەتتىڭ قۇرىلۋى "تاليبان" راديكالدى قوزعالىسىمەن كەلىسسوز جۇرگىزۋ اياسىندا ءجۇرىپ جاتىر. 29 اقپاندا اقش "تاليبان" قوزعالىسىمەن بىتىمگە كەلۋ جونىندە كەلىسىمگە قول قويدى. تالىبتەر تەرروريستەردى قورعاماۋدى مىندەتىنە الىپ، ۇكىمەتپەن سوعىستى توقتاتۋ بويىنشا كەلىسسوز جۇرگىزۋگە كەلىسىم بەرگەن.

كەلىسىمگە قول قويىلعاننان كەيىن NBC تەلەكانالى دەرەككوزىنە سىلتەمە جاساپ، امەريكالىق بارلاۋشىلار تالىبتەر كەلىسىم شارتىن ورىندامايدى، امەريكا اسكەرىن شىعارعاننان كەيىن، ۇكىمەتكە قارسى سوعىس اشادى دەپ بولجاپ وتىر دەپ حابارلادى. قازىر قوزعالىس ەل اۋماعىنىڭ تەڭ جارتىسىن باقىلاۋىندا ۇستاپ وتىر.

Abai.kz