مينيسترلەر كابينەتى مەن قر ۇلتتىق بانكىنىڭ بىرىككەن ۇندەۋىنە پىكىر

"ۇكىمەت جانە جەرگىلىكتى اتقارۋشى ورگاندار باعانىڭ، اسىرەسە، الەۋمەتتىك ماڭىزدى تاۋارلار مەن قىزمەتتەر باعاسىنىڭ نەگىزسىز ءوسۋىن الدىن الۋعا ەرەكشە نازار اۋداراتىن بولادى".
⠀
قالايشا؟ وندىرۋشىلەر تاۋارلارىنىڭ وزىندىك قۇنى دا وسەدى عوي. ولاي بولسا، مۇمكىن سىزدەر ولاردىڭ شيكىزاتىنىڭ باعاسىن ءوسىرۋدى بولدىرتپايسىز؟ نەتكەن قولدان جاساۋشىلىق!
⠀
"ازاماتتاردىڭ ەڭبەك قۇقىقتارىنىڭ ساقتالۋى، سونىڭ ىشىندە، جۇمىسشىلار سانىنىڭ قىسقارتىلۋى قاتاڭ باقىلاۋعا الىنادى".
⠀
سوندا وندىرۋشىلەر ءوز شىعىندارىن قالاي رەتتەۋى قاجەت؟ ەگەر ولار قىزمەتكەرلەر سانىن، ءوز شىعىندارىن قىسقارتپاسا، ولار تىكەلەي بانكروتقا ۇشىرايدى. ۇكىمەتتە جەكە سەكتور قالاي جۇمىس جاسايتىنىن بىلەتىن بىرەۋ بار ما وسى؟

رەفورمالار قايدا؟
مەملەكەتتىك اپپاراتتاعى قىسقارتۋلار قايدا؟
ەكونوميكانى دامىتۋعا ارنالعان ءىس-شارالار قايدا؟
وسىنداي ساتتە ۇلتتىق بانك ءوز ستاۆكاسىن كوتەرۋ ەمەس، تومەندەتۋى ءتيىس.
⠀
قىسقاسى، ولار بۇل جولى دا "اۋىردىڭ ۇستىمەن، جەڭىلدىڭ استىمەن" ءوتىپ كەتەمىز، تەرەڭ رەفورمالارسىز قۇتىلامىز دەپ سەنىپ وتىر.

قوسىمشا*

توقاەۆ 2030 جىلعا دەيىنگى قازاقستاننىڭ سىرتقى ساياسات كونتسەپتسياسىن بەكىتىپتى دەپ جازىپ جاتىر. ال مەنىڭشە، كونتسەپتسيا قىسقا، ءارى نۇسقا بولۋى كەرەك.

1. ەلىمىزدىڭ ازاماتتارىن الەمنىڭ كەز كەلگەن بۇرىشىندا قورعاۋ.

2. وتانداستارىمىزدىڭ بيزنەسىن الەمنىڭ كەز كەلگەن نۇكتەسىندە قورعاۋ.

3. ۆيزاسىز تارتىپتەگى ەلدەردىڭ ماكسيمالدى سانى.

4. ەلشىلىك پەن وكىلدىكتەردىڭ نەعۇرلىم مينيمالدى سانى.

5. سىرتقى ساياساتتاعى نەيتراليتەت.

6. ەشكىممەن ەشقانداي وداق قۇرماۋ.

7. كەز كەلگەن دۇنيەدە پراكتيتسيزم جانە پراگماتيزم. قازاقستاننىڭ ەشقانداي دوستارى بولماۋى كەرەك، قازاقستاننىڭ تەك جەكە مۇددەسى بولۋى ءتيىس.

8. ەشقانداي يمپەريالىق امبيتسيا، جوبالار، الەمدىك فورۋمدار، سەزدتەر جانە وزگە دە بوس دۇنيەلەرگە جول جوق.

9. سىرتقى ساياسات تولىعىمەن قازاقستان ازاماتتارىنىڭ مۇددەسى ءۇشىن جۇمىس جاساۋى ءتيىس.

10. زاڭسىز تۇردە اكتيۆتەردى ەلدەن شىعارۋدى انىقتاۋعا قاتىستى حالىقارالىق ۇيىمدارمەن ماكسيمالدى تۇردە بايلانىس ورناتۋ.

مارعۇلان سەيسەمبايدىڭ الەۋمەتتىك جەلىدەگى جازباسى

Abai.kz