كۇشتى يممۋنيتەتتىڭ كەپىلى - تازا سۋ
جەرشارىنداعى تىرشىلىكتىڭ ولشەمى-سۋ، ەڭ العاشقى تىرشىلىك سۋدان پايدا بولعان دەگەن كوزقاراستى قولدايتىن عالىمدار جەتەرلىك. ال ادام دەنەسىنىڭ 70% جۋىعى سۋدان تۇرادى. ول بوس جانە قوسىلىس كۇيىندە دەنەمىزدە ماڭىزدى قىزمەت اتقارادى. سونداي قىزمەتتەرىنىڭ ءبىرى - يممۋندىق جۇيەنى كۇشەيتۋى.
نەگە سۋ ءىشۋ كەرەك؟
سۋ اعزا جاسۋشالارىنا وتتەگىنى جەتكىزۋگە كومەكتەسەدى، ناتيجەسىندە بارلىق مۇشەلەر دۇرىس جۇمىس ىستەيدى. ول سونىمەن قاتار دەنەدەن ۋلى زاتتاردى (توكسيندەر، اۋىر مەتالدار، ۆيرۋس- باكتەريا قالدىعى ت. ب. )تەر، ءزار تۇرىندە شىعۋىنا كومەكتەسەدى، سوندىقتان تازا سۋدى كوپ مولشەرىدە ءىشۋ توكسيندەردىڭ تۇزىلۋىنە جانە ولاردىڭ يممۋندىق جۇيەڭىزگە تەرىس اسەر ەتۋىنىڭ الدىن الادى.
ۋلى زاتتاردىڭ دەنەدە بولماۋى يممۋندىق جۇيەنى كۇشەيتەتىن، اۋرۋدىڭ الدىن الاتىن، جالپى سۋىققا قارسى كۇرەسەتىن جانە جاسۋشالاردى قورعايتىن باستى كورسەتكىشتىڭ ءبىرى.
ىستىق ءشاي ءىشۋ - يممۋنيتەتتى ارتتىراتىن سۋسىنداردىڭ ىشىندەگى ەڭ جاقسى نۇسقا. ءشاي بۇلشىقەتتەردىڭ تۇراقتىلىعىن جاقسارتۋعا جانە ينفاركت قاۋپىن ازايتۋعا كومەكتەسەدى. ءشاي سياقتى جىلى سۋ ءىشۋ ءسىزدىڭ اعزاڭىزعا انتيوكسيدانتتار بەرەدى - زياندى بوس راديكالداردى جويىپ، قاتەرلى ىسىكتەن قورعايدى.ارينە ءشىي قايناتاتىن سۋ تازا بولعانى ەڭ ابزال.
سۋمەن تازارتۋ
اۋرۋدىڭ الدىن الۋ ءۇشىن سۋدى پايدالاناتىن، الايدا ءبىز كوپ ەلەمەيتىن ءتاسىل - ميكروبتاردى جۋ. ول قول- بەتتى جۋ، ىدىس-اياقتاردى تازارتۋدى قامتيدى. سۋىق تيگەندە نەمەسە اللەرگيا بولعان كەزدە تىنىس جولدارىن سۋمەن شايۋ ارقىلى ميكروبتاردان تازارۋعا بولادى.
يممۋنيتەت جۇيەسى - تازا سۋ
ءسىز ىشەتىن نەمەسە زياندى توكسيندەر مەن ميكروبتاردى تازارتۋ جانە جويۋ ءۇشىن پايدالانىلاتىن سۋ قاجەتسىز حيميالىق زاتتار مەن زياندى لاستاعىشتاردان ادا بولۋى كەرەك. ەلىمىزدىڭ ءىر قالالارىنداعى سۋ تازارتۋ جانە قۇبىر ماسەلەسىن ەسكەرسەك، كۇندەلىكتى تۇتىناتىن سۋدى سۇزىگىدەن وتكىزىپ تۇتىنۋ پايدالى بولماسا زيانى جوق.
كوروناۆيرۋستى تەڭ كورمەي جۇرە بەرىڭىز.
الىبەك ىدىرىسۇلىنىڭ الەۋمەتتىك جەلىدەگى جازباسى
Abai.kz
