قازاقستاندا كوروناۆيرۋسقا بايلانىستى ستاتسيونارلىق كارانتيندە جاتقاندار سانى 3 ادامعا ازايىپ، ءۇي كارانتينىنە جاتقىزىلعاندار سانى 353 ادامعا كوبەيدى. بۇل جايىندا قر دەنساۋلىق ساقتاۋ مينيسترلىگىنەن ءمالىم ەتتى.

«بۇگىندە ەلىمىزدە كوروناۆيرۋس جۇقتىرعان 9 ناۋقاس، ونىڭ ىشىندە الماتى قالاسىندا – 7, نۇر-سۇلتان قالاسىندا 2 ادام تىركەلگەن. ستاتسيونارلىق كارانتيندە - 1 641, ءۇي كارانتينىندە 981 ادام جاتىر. سونىمەن قاتار قحر-دان جانە شەكارالاس مەملەكەتتەردەن كەلگەن ازاماتتارعا مونيتورينگ جالعاسۋدا»، - دەپ اتاپ وتەدى مينيسترلىكتەن.

ۆەدومستۆونىڭ مالىمەتىنشە، بارلىق ساناتتار بويىنشا مونيتورينگكە 2 626 ادام الىندى. ونىڭ ىشىندە 1 «ا» ساناتى بويىنشا – 1 689, 1 «ب» ساناتى بويىنشا – 586, 2-ساناتى بويىنشا 351 ادام بار. مونيتورينگكە الىنعان 2 626 ادامنىڭ 503-ىنە باقىلاۋ توقتاتىلدى. 2 123 ادامعا مونيتورينگ جۇرگىزىلۋدە.

«قازىرگى ۋاقىتتا دەنە قىزۋىمەن جانە جرۆي بەلگىلەرىمەن 129 ادام اۋرۋحاناعا جاتقىزىلدى. ونىڭ ىشىندە 1 «ب» ساناتى بويىنشا – 39 ادام، 2-سانات بويىنشا – 43 ادام 3-سانات بويىنشا - 47 ادام. اۋرۋحاناعا جاتقىزىلعاندار سانى 129, 65 ازامات شىعارىلدى. 73 ادام ستاتسيوناردا قالادى. ونىڭ 64-ءى دەنە قىزۋمەن جانە جرۆي بەلگىلەرىمەن، ال 9-ى كوروناۆيرۋسپەن اۋرۋحانادا جاتىر. باس مەملەكەتتىك سانيتارلىق دارىگەردىڭ قاۋلىسىمەن اتالعان پاتسيەنتتەر الگوريتمگە سايكەس ينفەكتسيالىق ستاتسيونارعا جاتقىزىلدى. ەپيدەمياعا قارسى قاجەتتى شارالار، ونىڭ ىشىندە وقشاۋلاۋ، ەمدەۋ جانە زارارسىزداندىرۋ جۇمىستارى جۇرگىزىلۋدە. جاعداي قر دەنساۋلىق ساقتاۋ مينيسترلىگىنىڭ تۇراقتى باقىلاۋىندا»،- دەلىنگەن تاراتىلعان اقپاراتتا.

دەرەككوز: قازاقپارات

Abai.kz