بۇگىن پارلامەنت ماجىلىسىندە ەلىمىزدىڭ ىشكى نارىعىن وتاندىق اۋىل شارۋاشىلىعى ونىمدەرىمەن مولىقتىرۋ تاقىرىبىندا «ۇكىمەت ساعاتى» وتكىزىلدى.

قازىر جەرگىلىكتى ءونىم بازار باسشىلارىنىڭ وكتەمدىگىنەن بازارلارعا جەتكىلىكتى تۇسىرىلمەيدى. ويتكەنى، ولار يمپورتتىق ارزان فالسيفيكاتتاردى ساتقاندى ءتاۋىر كورەدى نەمەسە جەرگىلىكتى اۋىل شارۋاشىلىعى تاۋار وندىرۋشىلەرىن اكەلگەن ونىمدەرىن قىمبات باعامەن ساتۋعا ماجبۇرلەيتىن كورىنەدى. مۇنىڭ ءوزى قاراپايىم ازاماتتاردىڭ شىعىستارىن كوبەيتۋگە اكەلىپ سوعادى.

سونداي-اق ءىرى ساۋدا ورىندارىنىڭ تاراپىنان رەتروبونۋس بوپسالاۋشىلىققا دا جول بەرىلەدى ەكەن. «اتامەكەن» ۇلتتىق كاسىپكەرلەر پالاتاسىنىڭ مالىمەتىنە قاراعاندا، مۇنداي الىم تاۋار قۇنىنىڭ 30 پايىزىنا دەيىن جەتەتىن كورىنەدى. ول ازداي، ساۋدا ورىندارىنا تاپسىرىلعان ءونىم ءۇشىن اقى تولەۋدى 2-3 ايعا شەگەرۋ شارتى دا قويىلاتىن بولىپ شىقتى. بازار باسشىلارىن جەرگىلىكتى شارۋالاردىڭ «بازار مافياسى» دەپ اتايتىندىعىنىڭ سەبەبى وسى بولسا كەرەك.

تۇتاستاي العاندا، بىزدە دەلدالداردىڭ ۇزىن تىزبەگىنەن باسقا، ءونىم ءوندىرۋشىنى تىكەلەي تۇتىنۋشىمەن بايلانىستىراتىن سەرۆيستىك-دايىنداۋشى ۇيىمدار، وڭدەۋشى كاسىپورىندار، كوتەرمە ساۋدا -تاراتۋشى ورتالىقتار سياقتى تاۋار وتكىزۋشى جەلىنىڭ دۇرىس جۇيەسى ءالى قالىپتاستىرىلعان جوق.

وسىعان وراي، بىرىنشىدەن، نەگىزسىز الىمدارعا، رەتروبونۋستارعا جول بەرمەۋ شارالارى قاشان قابىلدانادى؟ ەكىنشىدەن، «فەرمادان –داستارقانعا دەيىن» قاعيداسى بويىنشا ازىق-تۇلىك تاۋارلارىن ءوندىرۋدىڭ، ساقتاۋدىڭ، دايىنداۋدىڭ، وڭدەۋدىڭ جانە تىكەلەي تۇتىنۋشىلارعا وتكىزۋدىڭ بىرىڭعاي جۇيەسى قاشان جولعا قويىلادى؟

مەنىڭ وسى ەكى سۇراعىما ساۋدا جانە ينتەگراتسيا مينيسترلىگىنىڭ وكىلى «الداعى ۋاقىتتا قاتىرامىز» دەگەندەي ماعىنادا جاۋاپ بەردى. ارينە، اتالعان ۆەدومستۆونىڭ قۇرىلعانىنا كوپ بولعان جوق. «ءسابي وتىرىك ايتپايدى» دەمەكشى، بالا-مينيسترلىكتىڭ ۋادەسىنە سەنگىم كەلەدى-اق...

كارىباي مۇسىرماننىڭ الەۋمەتتىك جەلىدەگى جازباسى

Abai.kz