الماتىلىقتارعا 72 ساعات ۋاقىت بەرىلدى. وسى ۋاقىت ىشىندە وزگە وڭىرلەردەگى الماتى تۇرعىندارى ۇيلەرىنە ورالۋى كەرەك. ال باسقا ايماقتاردىڭ تۇرعىندارى 72 ساعاتتىڭ ىشىندە قالادان شىعىپ ۇلگەرۋى ءتيىس.

تۇپ-تۋرا 22 ناۋرىزدا، تۇندە الماتى قالاسى تولىقتاي جابىلادى. بارلىق اۋە جانە تەمىرجول بايلانىستارى توقتاتىلادى.

بۇل تۋرالى الماتى قالاسى اكىمىنىڭ ءبىرىنشى ورىنباسارى ەرلان قوجاعاپانوۆ مالىمدەدى.

"22 ناۋرىزدا ساعات 00.00-دەن باستاپ تەمىرجول جانە اۋە قوزعالىستارى تولىقتاي توقتاتىلادى", - دەدى ول.

ەسكە سالا كەتەيىك، قاۋىپتى ۆيرۋستىڭ تارالۋىنا بايلانىستى الماتى مەن نۇر-سۇلتان قالالارىندا كارانتين جاريالانعان.

الماتى قالاسىنىڭ اكىمى باقىتجان ساعىنتاەۆ قالاعا كىرىبەرىستەرگە بلوك بەكەتتەر ورناتىلاتىنىن ايتقان. ال كارانتين 19 ناۋرىز، تۇنگى ساعات 00:00-دەن باستالادى.

سوڭعى مالىمەت بويىنشا، ەلىمىزدە كوروناۆيرۋس جۇقتىرعاندار سانى 36 ادامعا جەتكەن.

Abai.kz