Алматылықтарға 72 сағат уақыт берілді. Осы уақыт ішінде өзге өңірлердегі Алматы тұрғындары үйлеріне оралуы керек. Ал басқа аймақтардың тұрғындары 72 сағаттың ішінде қаладан шығып үлгеруі тиіс.

Тұп-тура 22 наурызда, түнде Алматы қаласы толықтай жабылады. Барлық әуе және теміржол байланыстары тоқтатылады.

Бұл туралы Алматы қаласы әкімінің бірінші орынбасары Ерлан Қожағапанов мәлімдеді.

"22 наурызда сағат 00.00-ден бастап теміржол және әуе қозғалыстары толықтай тоқтатылады", - деді ол.

Еске сала кетейік, қауіпті вирустың таралуына байланысты Алматы мен Нұр-Сұлтан қалаларында карантин жарияланған.

Алматы қаласының әкімі Бақытжан Сағынтаев қалаға кіріберістерге блок бекеттер орнатылатынын айтқан. Ал карантин 19 наурыз, түнгі сағат 00:00-ден басталады.

Соңғы мәлімет бойынша, елімізде коронавирус жұқтырғандар саны 36 адамға жеткен.

Abai.kz