جەكسەنبى, 24 قاراشا 2024
كوروناۆيرۋس 3178 0 پىكىر 19 ناۋرىز, 2020 ساعات 10:51

نۇر-سۇلتان مەن الماتى كارانتينگە جابىلدى

18 ناۋرىزدان 19 ناۋرىزعا قاراعان ءتۇنى ەلوردا ۋاقىتىمەن ساعات 00:00-دە نۇر-سۇلتان مەن الماتى قالالارىندا كارانتين رەجيمى كۇشىنە ەندى. 

بۇل شەشىم قر پرەمەر-ءمينيسترى اسقار ءماميننىڭ توراعالىعىمەن وتكەن قر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا قابىلدانعان بولاتىن.

شەشىمگە ساي ەندى نۇر-سۇلتان مەن الماتىنىڭ اينالاسىنداعى كولىك پەن ادام قوزعالىسىن شەكتەۋ ءۇشىن ارنايى بلوكپوستتار ورناتىلدى. اتاپ ايتقاندا، ەلوردادا 6 قاداعالاۋ بەكەتى، الماتىدا 27 قاداعالاۋ بەكەتى جۇمىس ىستەيدى، سانيتارلىق-ەپيدەمياعا قارسى شارالار كۇشەيەدى.

كەشە قر باس پروكۋرورىنىڭ ورىنباسارى بولات دەمباەۆ رەسمي ۇندەۋ جاساپ, كارانتينگە بايلانىستى بىرقاتار شارا مەن ۋاقىتشا شەكتەۋ ەنگىزىلگەنىن حابارلادى.

-كوروناۆيرۋس پاندەمياسىنا بايلانىستى قازاقستان رەسپۋبليكاسىنىڭ پرەزيدەنتى ەلدىڭ بۇكىل اۋماعىندا 2020 جىلدىڭ 16 ناۋرىزىنان 15 ساۋىرىنە دەيىن توتەنشە جاعداي ەنگىزۋ تۋرالى جارلىققا قول قويدى. نۇر-سۇلتان جانە الماتى قالالارىندا 2020 جىلعى  19 ناۋرىزدان باستاپ كارانتين رەجيمى ەنگىزىلدى. بىرقاتار شارالار مەن ۋاقىتشا شەكتەۋلەر بەلگىلەندى. ولاردى ورىنداماۋ اكىمشىلىك جاۋاپتىلىققا اكەپ سوقتىرادى (اقبتك-ءنىڭ 476-بابى - 10 اەك ايىپپۇل نەمەسە 15 تاۋلىككە دەيىن قاماققا الۋ), - دەدى بولات دەمباەۆ.

سونىمەن قاتارا، توتەنشە جاعداي كەزىندە بيلىك وكىلىنىڭ زاڭدى تالابىنا باعىنباعانى ءۇشىن قىلمىستىق جاۋاپتىلىق كوزدەلگەن (قىلمىستى كودەكستىڭ 379-بابى - 2 مىڭ اەك ايىپپۇلدان 2 جىلعا باس بوستاندىعىنان ايىرۋعا دەيىن).

Abai.kz

0 پىكىر

ۇزدىك ماتەريالدار

سىني-ەسسە

«تالاسبەك سىيلىعى»: تالقاندالعان تالعام...

اباي ماۋقاراۇلى 1491
بىلگەنگە مارجان

«شىعىس تۇركىستان مەملەكەتى بەيبىت تۇردە جوعالدى»

ءالىمجان ءاشىمۇلى 3259
ءبىرتۋار

شوقاننىڭ ءازىل-سىقاقتارى

باعدات اقىلبەكوۆ 5570