جاپونيادا ازىق-تۇلىك پەن ەڭ قاجەتتى تاۋارلاردىڭ باعاسىن نەگىزسىز كوتەرگەنى ءۇشىن 3 جىلعا باس بوستاندىعىنان ايىرۋ جونىندە شەشىم قابىلدانىپتى.

ءبىزدىڭ باسشىلاردىڭ قۇلاعىنا التىن سىرعا. مەن، مىسالى، قوس قولداپ قولدار ەدىم مۇنداي زاڭدى.

كاسىپكەرلىك پەن اشكوزدىكتى، ساتۋ-ساۋدا مەن توناۋدى اجىراتا الماعانداردى ۋاقىتىندا ساباسىنا كەلتىرىپ وتىرعان ارتىق بولماس ەدى. ايتپەسە بيزنەس-ادەپ، قوعام الدىنداعى جاۋاپكەرشىلىك دەگەن ءتۇسىنىكتەر، اسىرەسە كريزيستىك جاعدايلاردا، مۇلدەم جوعالىپ كەتەتىن بولىپ ءجۇر بىزدە. وعان تالاي كۋا دا بولىپ ءجۇرمىز.

كۇن سۋىقتا دۇكەنگە جىلىنۋعا اقى الىپ كىرگىزۋ، جولاقى تولەۋگە تيىن-تەبەنى بولماعان بالانى كولىكتەن ءتۇسىرىپ كەتۋ، تاكسي باعاسىن ەسەلەپ كوتەرۋ، كومىر ءۇشىن اكەسىنىڭ قۇنىن سۇراۋ. قايسىبىرىن ايتا بەرەسىڭ.

ەندى مىنە، انشەيىندە تاۋار دەپ تە قۇنتتامايتىن، "سداچا" دەپ ۇستاتا سالاتىن ماسكانى 10-15 ەسە قىمباتقا ساتىپ جۇرگەندەر شىقتى. قاشاندا كەڭ بولعان قازاقتىڭ پيعىلى سونشا بۇزىلار ما.

مۇحتار تۇمەنبايدىڭ الەۋمەتتىك جەلىدەگى جازباسى

Abai.kz