ىندەتتى كوڭىلگە الماي جۇرگەن قانشاما حالىق ويلانۋ قاجەت
يتاليادا ءبىر كۇندە كوروناۆيرۋستان 427 ازامات قايتىس بولدى. ەل بويىنشا جالپى سانى 3405 ازامات ومىرىمەن قوش ايتىستى.
بىزدە الماتى مەن استانادان اسىپ قاراعاندىعا جەتتى.
وسى ورايدا ەلدە تاراعان اقپاراتتاردىڭ ىشىندەگى ەكى نارسەگە نازار اۋدارعىم كەلەدى:
1. كوروناۆيرۋس قىتايدان العاش شىققاندا "بۇل جاراتۋشىنىڭ قىتايعا مۇسىلمانداردى قىرعانى ءۇشىن جىبەرگەن جازاسى" دەدى.
2. قازىر ەلىمىزگە كوروناۆيرۋس كەلگەندە "بۇل ەندى بيلىكتىڭ ارنايى ارەكەتى. جاقىندا پرەزيدەنت اۋىسادى" دەگەن ساراپشىلار شىقتى.
وسىعان سەنەتىن، ىندەتتى كوڭىلگە الماي جۇرگەن قانشاما حالىق بار. وسى تەكتەس اقپارات تاراتۋشى اناليتيكتەردەن مەن سۇراعىم كەلەتىن ءبىر عانا سۇراق بار. باستارىڭ ىستەي مە سەندەردىڭ؟ قايدان شىعادى وسىنداي اناليتيكتەر؟
باسقا-باسقا ەلدە توتەنشە جاعداي ورىن الىپ جاتقاندا ساياسي وزگەرىس بولمايدى. توتەنشە جاعداي ۋاقىتى بىتكەن كۇنى قوزعاساڭدار ءبىر ءسارى. ەلدى بەيقام ۇستاۋعا سەندىرەتىن جالعان اقپارات تاراتۋ حالىققا قارسى قىلمىس دەپ بىلەمىن. كوروناۆيرۋستىڭ قاۋىپتى ەكەنىن سەزۋ ءۇشىن يتالياداعىداي كۇنىنە 427 قازاق كەتۋى كەرەك پە؟ قۇداي ايتقان جەردەن اۋلاق قىلسىن.
نەگىزى ەكىنىڭ ءبىرى اناليتيك بولعان زاماندا ءومىر ءسۇرىپ جاتىرمىز عوي. بىراق بۇل دەگەن ءسوز اركىمنىڭ ساندىراعىنا ەرۋ دەگەندى بىلدىرمەيدى. اقىلعا توقتاپ ەسىمىزدى جيناۋىمىز قاجەت.
باۋىرجان سەرىكبايدىڭ الەۋمەتتىك جەلىدەگى جازباسى
Abai.kz
