التىنىم! ادام نەعۇرلىم جاقسىلىق جاساعان سايىن جان دۇنيەسى كەڭىپ، سۇلۋ بولا باستايدى. سۋ قانىپ ىشكەن وسىمدىكتەي نۇرلانىپ سالا بەرەدى. ىشكى دۇنيەسىندە العا سۇيرەيتىنى، وزىنە كۇش بەرەتىنى، باعىت كورسەتەتىنى دە: ءۇمىت پەن سەنىم. ادامنىڭ جان دۇنيەسىن شۋاققا بولەپ، تولتىرىپ تۇراتىن دا وسىلار.

* * *
التىنىم! ماعان بىرەۋ ءومىردى بەينەلە دەسە، اينالا قۇستار سايراعان، الىپ بايتەرەك تۇبىندەگى ءمولدىر بۇلاق دەر ەدىم. كىپ-كىشكەنتاي قايناردان جارىپ شىققان سۋ – بۇلاق اتانادى. ول وزەنگە، كولگە، كول-كوسىر تىرلىگى بار ۇلى مۇحيتقا اينالادى. سول سانسىز بۇلاقتاردان تۇراتىن ءومىر - مۇحيتىندا  ءسىز بەن ءبىزدى، ءۇمىت پەن سەنىمنىڭ شاپاعاتى عانا جاقسى كۇندەرگە باستاپ الىپ كەلە جاتقانداي. ىلايىم ءۇمىت پەن سەنىم جوعالماسىن! جاۋاپتى كەزەڭدە سابىرلىق پەن ساقتىق تا كەرەك! سىن ساتتەن سىنباي وتەيىك!

* * *
التىنىم! ءبىز دە وزگەگە دەگەن وكپە-نازىمىزدى، وكىنىش-رەنىشىمىزدى ءبىر ءسات ەستەن شىعارىپ، جاڭا كۇن تابالدىرىعىن ماحابباتپەن، مەيىرىممەن، سىيلاستىقپەن، ەڭ باستىسى ومىرگە دەگەن قۇشتارلىقپەن، جاۋاپكەرشىلىكپەن اتتايىق.

ادام بالاسى شىنىندا ءاربىر كۇننەن كوپ جاقسىلىق كۇتەدى، ءۇمىت پەن سەنىم ارتادى. ارماندار مەن تىلەكتەر تاۋسىلعان با؟

ورتاق شاڭىراعىمىزدىڭ جارقىن كەلەشەگى ءۇشىن جاۋاپكەرشىلىك جۇگىن تومەندەتپەيىك!

ماڭگىلىك ەل بولۋدى ويلاعان قازاعىمنىڭ باسىنان باق تايماسىن!

اكىم ىسقاقتىڭ الەۋمەتتىك جەلىدەگى جازباسى

Abai.kz