بۇگىن قر دەنساۋلىق ساقتاۋ مينيسترلىگى قاراعاندىدا ەكى ادامنىڭ كوروناۆيرۋس جۇقتىرعانىن مالىمدەدى. وسىعان وراي وبلىستىق دەنساۋلىق ساقتاۋ باسقارماسى ۆيرۋس جۇقتىرعانداردىڭ جاعدايى تۋرالى ايتتى.

كوروناۆيرۋس جۇقتىرعان ەكى ادام قاراعاندىعا 18 ناۋرىز كۇنى مينسك - نۇر-سۇلتان باعىتىنداعى ۇشاقپەن كەلگەن.

- اۋەجايداعى جولاۋشىلارعا بارلىق قاۋىپسىزدىك شارالارى قابىلداندى. ولاردى ۇشاق تراپىنىڭ جانىنان ارنايى اۆتوبۋس قارسى الدى. جولاۋشىلار تەكسەرىلىپ، كارانتيندىك اۋرۋحاناعا جاتقىزىلدى. سونىمەن قاتار، 1ا ساناتىنداعى ەلدەردەن كەلگەن ادامدار بولەك بولىمدەرگە ورنالاستىرىلدى.

بۇگىنگى كۇنى جۇقتىرعانداردىڭ جاعدايى قاناعاتتانارلىق. ازىرگە كارانتين جاريالاۋعا نەگىز جوق. سەبەبى ەكى ادام دا سىرتتان كەلىپ وتىر,- دەدى وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ.

ۇشاق بورتىندا 67 جولاۋشى بولعان. سانيتارلىق دارىگەرلەردىڭ ايتۋىنشا، ولاردىڭ بارلىعى تەكسەرىلىپ، كارانتيندىك اۋرۋحانادا جاتقىزىلعان.

ال، تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى قانات اسقاروۆتىڭ ايتۋىنشا، قاراعاندى قالاسىنداعى بالاباقشالارعا بارۋ 20 پايىزدى قۇرايدى.

- ازىرگە مەكتەپكە دەيىنگى مەكەمەلەردى جابۋدىڭ قاجەتى جوق. ەگەر كارانتين جاريالانسا، بالاباقشالار جابىلادى، - دەدى ول.

سونداي-اق، توتەنشە جاعداي كەزىندە كاسىپكەرلەر جالعا بەرۋشىلەردەن جالداۋ اقىسىن المايتىنى بەلگىلى بولدى.

- بۇل ولار ۇيىمداستىرعان ارنايى قولداۋ شاراسى. بۇگىننەن باستاپ بارلىق ءىرى ساۋدا ورتالىقتارى مەن باسقا دا نىساندار جابىلدى. دەزينفەكتسيالاۋ شارالارى جۇرگىزىلۋدە، - دەدى كاسىپكەرلىك ءبولىمىنىڭ باستىعى تاتيانا ابلاەۆا.

ال، پوليتسيا وكىلدەرى جالعان اقپارات تاراتقانداردىڭ جاۋاپكەرشىلىككە تارتىلاتىنىن مالىمدەدى.

- مەن ازاماتتاردى جالعان اقپاراتتارعا ەمەس، تەك مەملەكەتتىك ورگانداردىڭ رەسمي اقپاراتتارىنا سەنۋگە شاقىرامىن،- دەدى ايماقتىق دپ نىڭ رەسمي وكىلى جاناتاي سەمبەكوۆ.

ەستەرىڭىزگە سالا كەتەيىك، قر دەنساۋلىق ساقتاۋ مينيسترلىگىنىڭ سوڭعى مالىمەتى بويىنشا، قازاقستاندا ينفەكتسيا جۇقتىرعاندار سانى 49-عا جەتتى. ولاردىڭ 22-ءسى الماتىدا، 25-ءى نۇر-سۇلتاندا، تاعى ەكى ادام قاراعاندىدا تىركەلگەن.

Abai.kz