قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلداەۆ الماتىدا كوروناۆيرۋس جۇقتىرعان ەكى جاسار قىزدىڭ جاعدايى ناشارلاعانىن ايتتى. 

ابىلداەۆتىڭ ايتۋىنشا، قازىرگى ۋاقىتتا 696 ادام اۋرۋحانادا جاتىر.

-بۇگىنە 20 ناۋقاستىڭ جاعدايى قاناعاتتانارلىق، ەكەۋىنىڭ جاعدايى - ورتاشا اۋىر. قازىرگى ۋاقىتا 696 ادام اۋرۋحانادا جاتىر، 1 108 ادام ءۇي كارانتينىندە، - دەدى ول.

ال، ۆيرۋس جۇقتىرعان ەكى جاسار قىزدىڭ جاعدايى ورتاشا اۋىر ەكەنى ايتىلدى.

-ناۋقاستىڭ جاعدايى ورتاشا اۋىر، تۇراقتى.2018 جىلى تۋعان قىزدا جوتەل بار، رەنتگەن وڭ جاقتى پنەۆمونيا ەكەنىن كورسەتتى, - دەپ حابارلادى الماتى قالالىق دەنساۋلىق ساقتاۋ باسقارماسىنىڭ وكىلى نابيرا ەسەنوۆا.

ەسكە سالايىق، مۇنىڭ الدىندا ەكى جاسار قىزدىڭ جانە اناسىنىڭ كوروناۆيرۋس جۇقتىرعانى حابارلانعان بولاتىن.

سوڭعى دەرەكتەر بويىنشا، قازاقستاندا كوروناۆيرۋس جۇقتىرعاندار سانى 49 ادامعا جەتتى. ونىڭ 22-ءسى الماتىدا، 25-ءى نۇر-سۇلتاندا، تاعى ەكى ادام قاراعاندىدا تىركەلگەن.

Abai.kz