Қоғамдық денсаулық сақтау басқармасының басшысы Тілеухан Әбілдаев Алматыда коронавирус жұқтырған екі жасар қыздың жағдайы нашарлағанын айтты. 

Әбілдаевтың айтуынша, қазіргі уақытта 696 адам ауруханада жатыр.

-Бүгіне 20 науқастың жағдайы қанағаттанарлық, екеуінің жағдайы - орташа ауыр. Қазіргі уақыта 696 адам ауруханада жатыр, 1 108 адам үй карантинінде, - деді ол.

Ал, вирус жұқтырған екі жасар қыздың жағдайы орташа ауыр екені айтылды.

-Науқастың жағдайы орташа ауыр, тұрақты.2018 жылы туған қызда жөтел бар, рентген оң жақты пневмония екенін көрсетті, - деп хабарлады Алматы қалалық денсаулық сақтау басқармасының өкілі Набира Есенова.

Еске салайық, мұның алдында екі жасар қыздың және анасының коронавирус жұқтырғаны хабарланған болатын.

Соңғы деректер бойынша, Қазақстанда коронавирус жұқтырғандар саны 49 адамға жетті. Оның 22-сі Алматыда, 25-і Нұр-Сұлтанда, тағы екі адам Қарағандыда тіркелген.

Abai.kz