الماتى وبلىسىندا كوروناۆيرۋستىڭ تارالۋىنا جول بەرمەۋ ماقساتىندا الماتى قالاسىنان شىعا بەرىستەرگە تاۋلىك بويى جۇمىس ىستەيتىن 16 سانيتارلىق پوست ورناتىلادى.

بۇل سانيتارلىق پوستتاردا تەپلوۆيزورلارى بار سەس ماماندارى مەن پوليتسيا جاساقتارى تۇراتىن بولادى. پوست ارقىلى وتەتىن كولىكتەردىڭ بارلىعى دەزينفەكتسيالانادى.

ءدال وسىنداي تاعى 4 پوست بۇگىن تالدىقورعان قالاسىنىڭ ماڭىندا قويىلادى. قالاعا كىرگەن ادامدار ارنايى ساۋالناما تولتىرادى، ولاردىڭ دەنە قىزۋى ولشەنەدى. پوستتان وتەتىن ءاربىر ازاماتتىڭ وزىمەن بىرگە جەكە كۋالىگىن الىپ ءجۇرۋى ماڭىزدى.

اتاپ وتسەك، وبلىس اۋماعىنداعى رەسپۋبليكالىق، وبلىستىق جانە اۋداندىق ماڭىزداعى جولدار اشىق، ازىرگە جابىلمايدى.

الماتى وبلىسى اكىمىنىڭ ءباسپاسوز قىزمەتى.

Abai.kz