ۆيتسە-پرەمەر-مينيستر ەرالى توعجانوۆتىڭ تۋعان ءىنىسى باتىس قازاقستان وبلىسىندا اۋدان اكىمى بولىپ تاعايىندالدى.

مارات توكجانوۆ. ول ەندى باتىس قازاقستان وبلىسىنداعى بايتەرەك اۋدانىن باسقارادى. بۇعان دەيىن اقتوبە وبلىسىندا اكىمنىڭ ورىنباسارى بولىپ قىزمەت ەتكەن ەكەن.

توكجانوۆ 1965 جىلى باتىس قازاقستان وبلىسىندا تۋعان. قاراعاندىدا، سوسىن بقو-دا ۋنيۆەرسيتەت بىتىرگەن. ماماندىقتارى - تاريح ءپانىنىڭ وقىتۋشىسى، قوعامتانۋشى، زاڭگەر، ەكونوميكا ماگيسترى.

ەڭبەك جولىن ساتپاەۆتا مۇعالىم بولىپ باستاعان. باتىس قازاقستان وبلىسىندا بىرنەشە لاۋازىمدى قىزمەتتەردە بولعان.

2018 جىلدىڭ جەلتوقسانىندا مارات توكجانوۆ اقتوبەگە وبلىس اكىمىنىڭ ورىنباسارى قىزمەتىنە تاعايىندالعان. ول كەزدە ماڭعىستاۋ وبلىسىنىڭ اكىمى بولىپ تۇرعان ەرالى توعجانوۆ ءىنىسىنىڭ جوعارعى قىزمەتكە تاعايىندالۋىنا ءوزىنىڭ ەش قاتىسى جوق ەكەنىن ايتىپ، اعىنان جارىلعان.

Abai.kz