ايەل قازاسى قازاقستاندا ۇلكەن داۋعا ۇلاستى. مارقۇمنىڭ بالاسى ونىڭ ولىمىنە دارىگەرلەردى ايىپتادى. ونىڭ ايتۋىنشا، دارىگەرلەر ناۋقاستى اۋرۋحاناعا جاتقىزۋدان بىرنەشە مارتە باس تارتقان.

مارقۇمنىڭ بالاسىنىڭ مالىمدەمەسى الەۋمەتتىك جەلىدە تاراعان سوڭ، وبلىستىق دەنساۋلىق ساقتاۋ باسقارماسى قىزمەتتىك تەكسەرۋ جۇرگىزگەن. شەنەۋنىكتەردىڭ ايتۋىنشا، دارىگەرلەر ناۋقاس تۇماۋراتىپ قالعان دەپ ەسەپتەگەن.

"تۋىستارىنا دۇرىس تۇسىندىرمەگەن، سونىڭ سالدارىنان وسىنداي داۋ شىقتى. ناۋقاستى اۋرۋحاناعا ۋاقىتىلى جاتقىزباعان سوڭ ونىڭ جاعدايى كۇرت ناشارلاپ، سوڭى ولىممەن اياقتالدى", - دەپ مويىندادى مينيستر.

قازاقستان دەنساۋلىق ساقتاۋ مينيسترلىگىنىڭ 31 ناۋرىز 00:30-داعى دەرەگى بويىنشا، نۇر-سۇلتاندا بەس ادامنان، اقمولا وبلىسىندا ءبىر ادامنان كوروناۆيرۋس تابىلدى. وسىلايشا ەلدە Covid-19 ۆيرۋسىن جۇقتىرعاندار 308 ادام بولدى.

Abai.kz