ەلوردادا كوروناۆيرۋسپەن اۋىرىپ جاتقان التى ادامنىڭ جاعدايى اۋىر حالدە. بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا مالىمدەدى.

«التى ادامنىڭ جاعدايى اۋىر. ەكى ادام وكپەنىڭ جاساندى جەلدەتكىش اپپاراتىندا جاتىر، قالعاندارى ەمدەلۋدى جالعاستىرۋدا. قالعان ناۋقاستاردىڭ جاعدايى قاناعاتتانارلىق. ەمدەۋ كوروناۆيرۋستىق ينفەكتسيانى دياگنوستيكالاۋ جانە ەمدەۋ حاتتاماسىنا سايكەس جۇرگىزىلۋدە»، - دەدى قوعامدىق دەنساۋلىق ساقتاۋ دەپارتامەنتىنىڭ باستىعى ساۋلە قيسىقوۆا.

ال، بۇگىن نۇر-سۇلتان قالاسىندا اتالعان ىندەتتەن تاعى ءبىر ادام قايتىس بولدى. 

بۇگىندە قازاقستاندا كوروناۆيرۋس جۇقتىرعاندار سانى 325-كە جەتتى. ولاردىڭ 22-ءسى جازىلىپ شىققان.

Abai.kz