Елордада коронавируспен ауырып жатқан алты адамның жағдайы ауыр халде. Бұл туралы Нұр-Сұлтан қаласы қоғамдық денсаулық сақтау басқармасының басшысы Сәуле Қисықова мәлімдеді.

«Алты адамның жағдайы ауыр. Екі адам өкпенің жасанды желдеткіш аппаратында жатыр, қалғандары емделуді жалғастыруда. Қалған науқастардың жағдайы қанағаттанарлық. Емдеу коронавирустық инфекцияны диагностикалау және емдеу хаттамасына сәйкес жүргізілуде», - деді Қоғамдық денсаулық сақтау департаментінің бастығы Сәуле Қисықова.

Ал, бүгін Нұр-Сұлтан қаласында аталған індеттен тағы бір адам қайтыс болды. 

Бүгінде Қазақстанда коронавирус жұқтырғандар саны 325-ке жетті. Олардың 22-сі жазылып шыққан.

Abai.kz