بۇزىقتاۋ مۇعالىم بولعاندىقتان شىعار، تەلەفون ارقىلى جانە جەكەمىزگە
ء"سىز نەگە وسىنى ايتپايسىز؟"- دەپ وكپە-رەنىشتەرىن ءبىلدىرىپ جاتقان اعايىندار دا بارشىلىق..

مەنىڭشە، بۇل جەرگىلىكتى جەردەگى ءبىلىم بولىمدەرىنىڭ تۇرعىندارمەن جۇمىس جۇرگىزە الماۋىنىڭ كەسىرى...

اعايىندار!

بجع مينيسترلىگىنەن شىققان ءار قۇجاتتى، مينيستر مەن ورىنباسارلارى بەرگەن ءار سۇقبات پەن بريفينگتى اڭدىپ وتىرمىز.

كەشە zoom ارقىلى رەسپۋبليكالىق بەينەكونفەرەنتسيا وتكىزدىك. وعان ەلىمىزدىڭ بەلسەندى ۇستازدارى، اتا-انالار، بجعم ءمينيسترىنىڭ كەڭەسشىسى، ءباسپاسوز قىزمەتىنىڭ باسشىسى، "كۇندەلىك.كز" سايتىنىڭ جەتەكشىسى قاتىستى.

ءبىرىنشى ماسەلە..

ءبىز ونلاين-وقۋعا ەمەس، قاشىقتان وقىتۋعا كوشىپ جاتقانىمىزدى ءتۇسىنۋىمىز كەرەك... وندا دا جەتىسكەننەن ەمەس... قاشىقتان وقىتۋعا مىناۋ ىندەت ماجبۇرلەدى.

قالاي بولعاندا دا، قول جەتىمدى بارلىق مۇمكىندىكتى پايدالانىپ، 4-توقساندى اياقتاۋىمىز كەرەك.ينتەرنەت قول جەتىمسىز بولسا، مۇعالىم تەلەفون، ۆاتساپ جەلىسىن پايدالانسا بولادى. "جوق" دەپ قاراپ وتىرۋعا ءبىزدىڭ مورالدىق قۇقىمىز جوق...

ەكىنشى ماسەلە..

مۇعالىم ۆيدەوساباق تۇسىرۋگە مىندەتتى ەمەس.. ال تۇسىرەم دەسە، نۇر ۇستىنە نۇر..

ءۇشىنشى ماسەلە..

قاشىقتان وقىتۋ بويىنشا بجعم ءبىراز باتىل قادامدارعا باردى.
بارلىق مەكتەپتە كومپيۋتەرى جوق نەمەسە ينتەرنەت جوق بالالاردىڭ ءتىزىمى جاسالدى (ەگەر ءسىزدىڭ بالاڭىز باراتىن مەكتەپتە ونداي ءتىزىم جاسالماعان بولسا، وعان مەكتەپ باسشىسى كىنالى).

ماسەلەن، ءبىزدىڭ مەكتەبىمىز ءدال بۇگىن كومپيۋتەرى جوق بالالاردىڭ ۇيلەرىنە مەكتەپتە تۇرعان كومپيۋتەرلەردى تاراتىپ بەردى. ەرتەڭ دەمەۋشىلەر بەرگەن قاراجات ەسەبىنەن ۇيىنە ينتەرنەت جەلىسى تارتىلماعان ءبىراز وقۋشىمىزدىڭ ۇيىنە ينتەرنەت جەلىسى تارتىلادى.

جۇمىس بارىسىندا تاعى ءبىراز كەدەرگىلەر انىقتالۋى مۇمكىن. ونداي كەدەرگىلەردى جۇمىس بارىسىندا ەڭسەرەمىز.

باستى ماسەلە:

ءبىز قالايىق، قالامايىق، ءتۇبى قاشىقتان وقىتۋ مەن وقۋدى ۇيرەنۋىمىز كەرەك ەدى.. توتەنشە جاعداي بولماعاندا "اناۋ جوق", "مىناۋ جوق" دەپ كەرىلىپ-سوزىلىپ جۇرە بەرەر ەدىك..

قاشىقتان وقىتۋ مۇعالىم/وقىتۋشىلار مەن وقۋشى/ستۋدەنتتەرگە عانا قاجەت ەمەس. بۇگىنگى جاڭالىق ەرتەڭ ەسكىرىپ جاتقان مىناۋ زاماندا بارىمىزگە قاجەت...
"وسەمىن" دەيتىن جاس ماماندارعا قاجەت.
"كوشتەن قالمايىن" دەيتىن ساقا مامانعا قاجەت.
"بالام ءبىلىمدى بولسىن" دەيتىن كوزى اشىق اتا-اناعا كەرەك...
قىسقاسى، بارىمىزگە قاجەت!

سوندىقتان، ارتىق گوي-گويدى دوعارىپ، تىعىرىقتان شىعار جولدى بىرگە ىزدەيىك!

ءومىر شىنىبەكۇلىنىڭ الەۋمەتتىك جەلىدەگى جازباسى

Abai.kz