مىنا جانتالاسقانداردىڭ ىشىندە ۆيرۋستىق ينفەكتسياسى بار ءبىر ادام بولسا ءبىتتى، ءبارى كەتەدى. ساقتانۋ، قورعانۋ ينستينكتى بولۋ كەرەك ەمەس پە ادامدا.

كورەيادا سەكتانتتىق شىركەۋگە جينالعانداردىڭ اراسىنا ءبىر اۋرۋ جۇقتىرعان كەمپىر بارىپ، سودان ۆيرۋس بۇكىل ەلگە تاراپ كەتتى ەمەس پە، ەتەك جايىپ. نەگە ءبىز وزگەنىڭ قاتەلىگىنەن ساباق المايمىز؟ مىندەتتى تۇردە ءوز باسىمىزدى جارعا سوعىپ، قان قىلىپ جارعان سوڭ عانا سابامىزعا تۇسەمىز. اقىماقتىقتىڭ شەگى بار ما ءوزى؟

جاڭا ينتەرنەت سايت جاسالىپ جاتىر، جاقىن كۇندەرى قوسىلادى دەپ رەسمي حابارلاندىرۋ جاسالدى. نەگە ەكى-ءۇش كۇن سابىر ساقتاماسقا؟ ءوزىن عانا ەمەس، جاقىندارىن دا قاۋىپ-قاتەرگە تىگىپ وتىر عوي مىنا بەيباقتار.

ايتپاقشى، ۇكىمەتتىڭ ءۇش ادامنان ارتىق جينالۋعا بولمايدى دەگەن ۇكىمى قايدا؟ نەگە قولدانىلمايدى وسىنداي جەردە؟ كەزەكتى رەتتەپ، ەل-جۇرتتىڭ ەسىن جيدىراتىن ءتارتىپ ساقشىلارى قايدا؟

مۇحتار تۇمەنبايدىڭ الەۋمەتتىك جەلىدەگى جازباسى

Abai.kz