«مانچەستەر يۋنايتەد»، «مانچەستەر سيتي»، «يۋۆەنتۋس» سىندى اتاقتى كلۋبتاردىڭ جانە ارگەنتينا قۇراماسىنىڭ بۇرىنعى ويىنشىسى كارلوس تەۆەس كارانتين كەزىندە قيىنشىلىعى بارلارعا كومەكتەسۋ كەرەك ەكەنىن ايتتى.

- ءبىز ءسوزسىز وزگە ادامدارعا كومەكتەسىپ، ۇلگى كورسەتۋىمىز كەرەك. فۋتبولشىلار، ارتىستەر كەدەي وڭىرلەرگە بارىپ كومەك قولىن سوزعانى ءجون.

فۋتبولشىلار جارتى جىل نەمەسە ءبىر جىل جالاقى الماسا دا ءومىر سۇرە الادى. ءبىز كۇندەگىسىن كۇندە تاۋىپ جۇرگەن جاندارعا ۇقسامايمىز. ولار ءار كۇنى تاڭعى التىدا كەتىپ، كەشگى جەتىدە ۇيگە ورالادى. سونىڭ ءبارى تەك وتباسىن اسىراۋ ءۇشىن عانا.

ءبىزدىڭ بالالار تاماقتان تارىقپايدى. ال قيىنشىلىعى بار ادامدار ۇيدەن شىقسا ۇستالادى. شىقپاسا بالالارى اشىعادى. بۇل ادامدى الاڭداتادى. ءبىز ءۇشىن ۇيدە وتىرىپ الىپ ۆيدەو ءتۇسىرىپ، چەللەندج ۇيىمداستىرۋ وتە وڭاي. بىراق ءبىز سىرتقا شىعىپ ادامدارعا ناقتى كومەك بەرىپ، ۇلگى كورسەتۋىمىز كەرەك. مەن سولاي ىستەۋگە دايىنمىن، - دەيدى تەۆەس.

ەلدەگى جاعدايعا ءبىزدىڭ «ميلليونەر» فۋتبولشىلاردىڭ رەاكتسياسى قانداي؟

قۋانىش قاپپاس

Abai.kz