استانا. 14 قازان. قازتاگ - كولىك پروكۋراتۋراسى اۋە جانە تەمىر جول كولىكتەرىمەن جولاۋشىلار تاسىمالداۋدا تۇتىنۋشىلاردىڭ قۇقىعىن قورعاۋدى قامتاماسىز ەتۋگە باعىتتالعان زاڭنامانىڭ قولدنىسىن تەكسەرۋ بارىسىندا جولاۋشىلار جانە جۇك تاسىمالداۋ سالاسىندا زاڭنامانىڭ جۇيەلى بۇزىلىپ وتىرعانىن انىقتادى، دەپ جۇما كۇنى باس كولىك پروكۋراتۋراسىنان (بكپ) حابارلادى.

كولىك جانە كوممۋنيكاتسيا مينيسترلىگىنىڭ باسشىلارى، «قازاقستان تەمىر جولى» ۇلتتىق كومپانياسى» اق، باسقا دا مەكەمەلەر، سونداي-اق اۆيكومپانيالار مەن اۋەجاي باسشىلارى قاتىسقان وتىرىستا تاسىمالداۋ سالاسىنىڭ زاڭناماسى جۇيەلى بۇزىلىپ وتىرعاندىعى ايتىلدى.

كەڭەسكە قاتىسۋشىلار اۆياتسيالىق تاسىمالداۋلارداعى ەڭ پروبلەمالىق ماسەلە -رەيستەردىڭ كەشىگۋى ەكەنىن اتاپ ءوتتى.

«اۆيرەيستەردىڭ كەشىگۋىنەن ەل اۋەجايلارىندا 2010 جىل مەن 2011 جىلدىڭ ءبىرىنشى جارتىجىلدىعىندا 60 مىڭنان استام جولاۋشىنىڭ قۇقىعى بۇزىلدى»، - دەلىنگەن اقپاراتتىق باياندا.

تۇتىنۋشىلاردىڭ تەمىر جول كولىگىندە دە قۇقىقتارى بۇزىلۋ فاكتىلەرى انىقتالعان. مىسالى، اعىمداعى 7 ايدا جالپى ۇزاقتىعى 1200 ساعات بولاتىن كەشىگۋدىڭ 1 مىڭ وقيعاسى تىركەلگەن.

«جولاۋشىلار تاسىمالداۋ ۆاگوندارىنىڭ توزىعى جەتكەن، ولاردىڭ سانى حالىق سۇرانىسىن قاناعاتتاندىرۋعا جەتپەيدى. جازعى ۋاقىتتارى ۆاگونداردا كونديتسيونەرلەر جۇمىس ىستەمەيدى، كوپ جاعدايدا ولاردىڭ سانيتارلىق جاعدايى سىن كوتەرمەيدى»، - دەلىنگەن حاباردا.

استانا. 14 قازان. قازتاگ - كولىك پروكۋراتۋراسى اۋە جانە تەمىر جول كولىكتەرىمەن جولاۋشىلار تاسىمالداۋدا تۇتىنۋشىلاردىڭ قۇقىعىن قورعاۋدى قامتاماسىز ەتۋگە باعىتتالعان زاڭنامانىڭ قولدنىسىن تەكسەرۋ بارىسىندا جولاۋشىلار جانە جۇك تاسىمالداۋ سالاسىندا زاڭنامانىڭ جۇيەلى بۇزىلىپ وتىرعانىن انىقتادى، دەپ جۇما كۇنى باس كولىك پروكۋراتۋراسىنان (بكپ) حابارلادى.

كولىك جانە كوممۋنيكاتسيا مينيسترلىگىنىڭ باسشىلارى، «قازاقستان تەمىر جولى» ۇلتتىق كومپانياسى» اق، باسقا دا مەكەمەلەر، سونداي-اق اۆيكومپانيالار مەن اۋەجاي باسشىلارى قاتىسقان وتىرىستا تاسىمالداۋ سالاسىنىڭ زاڭناماسى جۇيەلى بۇزىلىپ وتىرعاندىعى ايتىلدى.

كەڭەسكە قاتىسۋشىلار اۆياتسيالىق تاسىمالداۋلارداعى ەڭ پروبلەمالىق ماسەلە -رەيستەردىڭ كەشىگۋى ەكەنىن اتاپ ءوتتى.

«اۆيرەيستەردىڭ كەشىگۋىنەن ەل اۋەجايلارىندا 2010 جىل مەن 2011 جىلدىڭ ءبىرىنشى جارتىجىلدىعىندا 60 مىڭنان استام جولاۋشىنىڭ قۇقىعى بۇزىلدى»، - دەلىنگەن اقپاراتتىق باياندا.

تۇتىنۋشىلاردىڭ تەمىر جول كولىگىندە دە قۇقىقتارى بۇزىلۋ فاكتىلەرى انىقتالعان. مىسالى، اعىمداعى 7 ايدا جالپى ۇزاقتىعى 1200 ساعات بولاتىن كەشىگۋدىڭ 1 مىڭ وقيعاسى تىركەلگەن.

«جولاۋشىلار تاسىمالداۋ ۆاگوندارىنىڭ توزىعى جەتكەن، ولاردىڭ سانى حالىق سۇرانىسىن قاناعاتتاندىرۋعا جەتپەيدى. جازعى ۋاقىتتارى ۆاگونداردا كونديتسيونەرلەر جۇمىس ىستەمەيدى، كوپ جاعدايدا ولاردىڭ سانيتارلىق جاعدايى سىن كوتەرمەيدى»، - دەلىنگەن حاباردا.

بكپ قاراپايىم سانيتارلىق نورمالاردىڭ ساقتالماۋىنان بيىل جازدا الماتى-اتىراۋ باعىتىنداعى پوەزدىڭ ۆاگون-رەستورانىندا 39 بالا ۋلانعانىن ەسكە سالدى. پروكۋراتۋرا مالىمەتتەرىنشە، 284 ۆوكزالدىڭ 160 ۆوكزالى قاناعاتتانارلىق ەمەس جاعدايدا، 32 ۆوكزال - اپاتتىق جاعدايدا. ولاردىڭ كوبىندە اۋا جەلدەتكىشتەرى مەن سالقىنداتقىش جۇيەلەرى، سونداي-اق مۇگەدەكتەردىڭ قوزعالۋىنا جاعداي جوق. جول ءجۇرۋ قۇجاتتارىنىڭ ۇنەمى تاپشىلىعى ادامداردى «الىپساتارلارعا» جۇگىنۋگە ماجبۇرلەيدى.

سونىمەن قاتار تاسىمالداۋشىلار تەمىر جولداعى جەمقورلىققا جول بەرمەيتىن، كاسسيرلەردىڭ قاتىسۋىنسىز بيلەتتەردى ەلەكتروندىق تەرمينالدارمەن (ۇيالى تەلەفون قىزمەتىنە اقى تولەيتىن سياقتى) ساتاتىن شەتەلدىك تاجىريبەلەردى ەنگىزۋگە اسىقپاي وتىر

تەكسەرۋ قورىتىندىسى بويىنشا بارلىعى قاداعالاۋدىڭ 100 اكتىسى شىعارىلىپ، 200-دەن استام ادام جاۋاپكەرشىلىككە تارتىلدى، دەلىنگەن حاباردا.